婆媳關係，真係日常生活任何環節，都可以焫着火頭，做人新抱真係好難handle！有新抱就喺親子王國討論區發帖，話「99冇問我，直接打開曬我D房門，視訊親戚直播我屋企環境。睡房，書房，雜物房……你地接受到嗎？」如果換轉係你，接受到奶奶咁做嗎？
用智能電話拍片，對長輩嚟講係新玩意，佢哋純粹開心share！
網民反應好快，即刻好奇問樓主：「佢咩事？點解要咁做？係你屋企靚定亂？」，樓主回應：「佢想純粹同親戚分享我屋企嘅樣……我屋企唔亂，正常裝修……」。對於老人家將屋企公開畀人睇，有網民表示唔介意：「老實講，奶奶咁做我都唔介意，凡係無惡意都唔介意，小事而已」，「我又唔介意，我爸第一次上嚟我屋企都有拍片，呀女喺房瞓緊晏覺都照開門拍埋，用智能電話影相、拍片、視訊，對長輩嚟講係新玩意，佢哋純粹開心share、似小朋友有新玩具玩咁」。
有網民表示唔介意長輩咁做，理解老人家都係當新玩具玩，同朋友開心share，並無惡意。
接受唔到……好似俾人除咗件衫一樣！
不過大部分網民都話接受唔到奶奶呢類行為：「接受唔到……好似俾人除咗件衫一樣……」，「完全不能接受！房間就係私人空間，反問佢會唔會鍾意親戚朋友見到佢嘅胸圍底褲！」，「如果間屋係自己，佢咁做我會罵爆佢。仲有，有私隱架！立亂開人房門咩？」，「我都會唔鍾意，如果唔係同99住，我會即刻改大門密碼！」，樓主回應：「佢唔係同住呀，我地都無畀key佢，但係佢果日上嚟坐時video call佢個妹，畀佢睇我地屋企……其實我吔之前都應佢老人家要求，video call咗佢個妹（即係我老公呀姨），show吓畀佢睇我地屋企㗎喇……我都唔明做咩又要睇多次……」
好多網民都同樓主一樣，接受唔到奶奶開直播，無問過同意就開咗房門，令家人私隱呈現親友眼前。
share畀人睇唔緊要，但可唔可以問吓我先開房門？！
但有人又覺得，他日當樓主變成父母，可能都會做出類似行為：「樓主，等你第時有咗小朋友，你可能都會咁做，你會連BB今日有便便都些牙出嚟，然後會統計住邊個邊個好姊妹仲未俾like，只要有其中一個人批評一下個BB，你會即時著機反擊。」，樓主就話其實個重點，唔係奶奶喺佢屋企做直播，而係未問過佢同意：「其實佢share畀人睇唔緊要，我唔係介意呢樣。問題係可以問一問我先，因為我已經關晒房門，佢直接開、直接影，咁我就覺得唔係咁好囉，如果我房放曬底衫褲、私人嘢出嚟，佢影到，咁就唔係咁好啦！我可能會share BB有便便，但我唔會影個BB嘅便便同all便便嘅情況畀人睇！」
有網民就覺得樓主應該體諒吓做人父母嘅心情，可能他朝都會將bb嘅私隱都直播出嚟。
樓主講到尾，最嬲都係奶奶喺開房門開直播之前，無問過佢同意。
text/Joyce
photo/HKET圖片庫
========
同場加映
【蝸居睇樓團】半山1,600呎望深水灣靚景豪宅！酒店級雲石浴室+美國胡桃原木吧台+水泥波浪天花
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
