屋企人做乜嘢行為最乞人憎? 唔沖廁所 都唔夠呢樣傷害性大……

2022.06.13

正所謂「相見好同住難」,同住家人之間無愛無包容,的確可以日日家嘈屋閉!不過有啲人真係無顧及家人感受,成日做啲好乞人憎嘅行為,令家人難受,有網民就喺香港討論區發帖,同網民討論吓究竟屋企人做啲乜嘢行為最討厭?除咗如廁後唔沖廁所,你仲會提名邊啲行為呢?

痾完屎有漬喺廁所唔清潔!
一講到呢個話題,網民都可以機關槍咁數出一堆:「十問十唔應、掛住打機、成地衫、成地書簿鋪塵、痾尿落地唔抹、打機唔肯一齊食飯、零晨兩點打機吊媽拆蟹嘈住哂」、「同佢啲frd凌晨打機語音對話……嘈到瞓唔到」、「唔除鞋行入屋、徒手撩鼻屎周圍彈同hi、痾完屎有漬喺廁所唔清潔、去咗廁所唔洗手、沖涼換完底褲反晒出嚟亂咁掉,呢種仆街好L討厭」、「屙屎唔沖厠!」、「人哋睇緊電視劇突然行過嚟轉台」、「唔做家務,懶!」、「無記性返屋企成日忘記除鞋走出走入,又要拖地拖餐死」、「防疫期間出街吃飯」。咁樣睇,似乎去完廁所無手尾,以及掛住打機製造噪音,都算係兩個最乞人憎嘅行為。

去完廁所唔洗手,或者去完大便搞到個廁所有漬呢啲如廁無手尾行為,都係幾乞人憎。

成日掛住打機而製造噪音或者唔理家人同家務等,都令家人好困擾。

入屋唔記得除鞋,搞到家人要幫你拖地,亦係一大乞人憎家人行為。

小小事就發脾氣 講傷害人嘅說話
不過真正令家人傷害最深嘅,其實對家人嘅偏見,同埋語言造成嘅心靈傷害:「小小事就發脾氣,講傷害人嘅說話,睇片大聲,講嘢唔坦白,睇唔起人」、「講粗口罵自己、明明冇做過就話x你、罵自己x街黑x人憎、每日都放工返泥(嚟)就係罵,無理取鬧借題發揮,見到唔對路就罵,只係識係到罵,解決唔到問題,有家人=冇家人,冇x用,家人將期望放落我細佬到lor,我細佬讀書叻咪錫他,成日話我廢柴廢青,讀咁多書都冇用,有咩用,搞到而家咁」。

其實講到尾,成日向家人發脾氣,對家人講傷害佢哋自尊心嘅說話,先係最乞人憎嘅行為。

text/Joyce
photo/HKET圖片庫

========
同場加映
【蝸居睇樓團】專業驗樓主任教路!新樓檢收5大必驗位,立即睇:

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派現金券/禮品↓

↓記得逢星期三3PM入App搶!↓

記得逢星期三3PM入App搶!

評語

相關文章