居屋2022 13/6攪珠決定揀樓優先次序 中籤至收樓究竟要做啲乜？
「居屋2022」及「白居二2022」將於6月13日進行攪珠，即係抽籤定申請人揀樓次序，如果大家今年3月有遞交居屋申請嘅話，一定要密切留意。今年房委會收到約25.1萬份申請，係2014年居屋重售以來申請數目第三高，而今期單位共有約8,968個，即係大約28人爭一個單位。如果各位幸運地「中籤」，究竟跟住要點做呢？
揀樓組別優先次序 睇申請編號最後2個數字
整個攪珠過程將在6月13日上午10時30分開始，喺房委會嘅Facebook專頁及YouTube頻道上直播。「居屋2022」及「白居二2022」將分別進行攪珠，以決定申請者按其申請編號最後兩個數字而訂出嘅揀樓先後次序，網上遞交申請嘅申請者將於攪珠儀式完成後，陸續收到電郵通知有關攪珠結果。房委會預計喺第4季開始進行「居屋2022」揀樓，以及向「白居二2022」嘅成功申請者發出批准信。
已經遞交咗申請表人士，請留意以下事宜：
成功遞交居屋申請表人士，會獲發一組申請書編號，綠表申請者以「G」開頭，白表申請者則以「W」開頭；而參加「家有長者優先選樓計劃」嘅申請人，則會獲發兩組號碼，一組為長者隊，一組為家庭隊，所以「家有長者計劃」申請者有絕對優勢。而所有申請書編號最後兩個數字，就係分組號碼，房委會以電腦進行居屋攪珠抽籤，隨機選出分組號碼，例如，攪珠次序是31、86、25，即代表申請書編號最後兩個數字係「31」嘅申請者，將是排第一嘅揀樓組別，而同一組別內嘅申請者，則以申請類別同電腦排序，再決定揀樓次序。
攪珠過程將在6月13日上午10時30分開始，喺房委會嘅Facebook專頁及YouTube頻道上直播。
房委會以電腦進行居屋攪珠抽籤，隨機選出分組號碼，已申請人士請留意申請書編號最後兩個數字，係咪同抽出嚟嘅分組號碼相同。
居屋揀樓次序
根據申請類別，一般嘅居屋揀樓次序係咁嘅：
1.受房委會公屋清拆計劃影響的家庭申請者
2.受房委會中轉房屋清拆計劃的家庭申請者
3.綠表及白表家庭申請者
A.綠表申請者：
1.參加「家有長者優先選樓計劃」的家庭申請者
2.其他綠表家庭申請者
B 白表申請者：
1.參加「家有長者優先選樓計劃」的核心家庭申請者
2.其他核心家庭申請者
3.非核心家庭申請者
4.受房委會公屋清拆計劃影響嘅一人申請者
5.受房委會中轉房屋清拆計劃嘅一人申請者
6.綠表及白表嘅一人申請者
以一般家庭申請者嚟講，無論係白表定綠表，都係「家有長者優先選樓計劃」類別最先揀樓。
資產及入息審查
攪珠結果公布後，房委會按揀樓次序個別通知申請者，要求申請人喺7個工作天內，遞交填妥嘅入息及資產申報表，然後再約見並進行資產審查。約見當日須帶備嘅證明文件，可參考房委會網頁。而順利通過審查後，就可以進入揀樓程序。
房委會按揀樓次序，要求申請人喺7個工作天內，遞交填妥嘅入息及資產申報表，然後再約見並進行資產審查。
做足功課 先選先得揀樓及繳付訂金
之後房委會會向合資格申請者發出揀樓通知書，通知揀樓日期、時間，申請者必須按指定時間到居屋銷售小組揀樓。如果係參加「家有長者優先選樓計劃」嘅話，該名年滿60歲嘅家庭成員亦必須出席及登記。當日申請者會先被安排聆聽簡介會，然後進入選樓室選購單位，單位以「先選先得」方式購買，所以準買家最好先做足功課，以便用最短時間作出選擇。
認購單位會於同日簽署買賣合約及繳付訂金，所以揀樓當日需要準備銀行本票及支票簿，以支付訂金：
1.若為綠表申請者，抬頭為「香港房屋委員會」嘅銀行本票（上一期居屋嘅本票銀碼為58,000元），用以支付樓價5%嘅訂金，若該5%訂金超過本票嘅銀碼，申請者便要即場以個人支票繳付餘額
2.白表申請者：抬頭為「香港房屋委員會」嘅銀行本票（上一期居屋嘅本票銀碼為116,000元），用以支付樓價10%嘅訂金，若該10%訂金超過本票嘅銀碼，申請者便要即場以個人支票繳付餘額
房委會會向合資格申請者發出揀樓通知書，通知揀樓日期，當日準業主就要揀定單位，兼簽署買賣合約及繳付訂金。
搵銀行搞按揭、上律師樓搞手續
等到居屋屋苑取得「入伙紙」後，房委會嘅律師就會發信通知買家辦理樓契等文件，買家須於指定日期內完成交樓手續及繳付樓價餘額，屆時就可以安排銀行按揭，以及到律師樓辦理買樓手續及繳付樓價餘額、印花稅及其他雜費，買家可選用房署律師或自行委託。而政府係會向新居屋買家提供按揭擔保，一般銀行都唔會要求買家進行壓力測試，綠表買家最高可獲9成半按揭，白表買家最高可獲9成按揭，按揭還款年期最長可達25年。
政府係會向新居屋買家提供按揭擔保，綠表買家最高可獲9成半按揭，白表買家最高可獲9成按揭，按揭還款年期最長可達25年。
即場驗樓做業主
完成購買手續後，買家就會收到房委會嘅收樓通知書，就可以聯絡屋苑管理處預約收樓。收樓當日，業主可以帶同收樓通知書及買賣契約，到管理處領取單位鑰匙，隨即就需要當場驗收單位，並須於7日內向房委會提交執修報告。如果買家為綠表申請者，收樓後60天內，就需要交回原本居住嘅公屋單位。
買家收到房委會嘅收樓通知書後，就可以聯絡屋苑管理處預約收樓，並需當場驗收單位。
做定功課 計好供樓預算
由於喺揀樓當日係採取「先選先得」方式購買，所以準買家最好先做足準備。
1.買家事前應該計清楚自己能應付嘅供樓金額，包括要睇屋苑入伙期而決定幾時要開始供樓，首期同月供款數目等，唔好勉強買大單位。
2.喺今次嘅7個屋入面，諗定心水屋苑嘅次序，同埋想揀嘅單位呎數及座向等。
由於揀樓當日採取「先選先得」方式購買，所以準買家最好計清楚自己嘅財政負擔能力，以及有心水屋苑及單位呎數取向。
【Info】
房委會出售居者有其屋計劃2022
網址：https://hos.housingauthority.gov.hk/mini-site/hos2022/tc/message.html
text/Joyce
photo/HKET圖片庫
========
同場加映
【蝸居睇樓團】專業驗樓主任教路！新樓檢收5大必驗位，立即睇：
Video Player is loading.
港生活人氣本地熱話
【請您去旅行✈️🌎】
↓登記領取HK$1,500 旅遊資助金💰！↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
