網民熱討:香港買傢俬食水太深 想喺淘寶買傢俬有咩要注意?

2022.06.17

香港地百物騰貴,好多時就算來自相同產地的同一件貨品,喺香港買都會特別貴,而最近有網民就喺連登討論區上表示,想喺國內嘅網絡零售平台淘寶買傢俬慳錢,但又深怕會中伏,因而請教網民喺淘寶買傢俬要留意事項,引起一眾網民熱烈討論。

太平就要小心 注意害蟲及甲醛問題
樓主表示香港大多數傢俬舖所賣嘅傢俬都係大陸嘢,覺得倒不如自己喺淘寶買則會更划算,不過又怕會中伏,所以向一眾網民詢問淘寶買傢俬要注意嘅地方。而網民們就建議樓主唔好揀太平嘅傢俬以避免中伏:「千祈唔好貪平,太平仲平過宜家傢俬好多就小心,一平所有有可能出現問題嘅地方都有機會賴嘢」、「盡量簡(揀)d唔好太平」、「第一樣野睇評論如何同埋多唔多人買,最好㩒入去佢舖頭睇吓佢其他產品嘅評論係點,價錢真係唔好揀太平,自己估算嗰個傢俬嘅成本造價應該係幾多就知道平唔平。」、「買d靚d貴d,運埋番來同係香港買普通野差唔多價錢」

有網民就認為網上買傢俬要特別注意組裝及尺寸的問題:「如果係床/衣櫃就尺寸度準d,衰左冇仇報」、「你要識度尺,第一要度啱,第二要知邊啲數要做加減」、「首先你要識裝,唔好當(係)ikea ,佢真係冇說明書…你遇左d細位一定唔啱」。

另外亦有網民則認為需注意害蟲及甲醛問題:「(注意有)木蝨+甲醛,留名等睇全屋砍掉重練」、「(小心)甲醛超標,全屋一齊日日吸」、「裝完要買滅蟲煙霧炸下佢,70蚊左右,買個安心」、「自己滅蟲+買醫療級空氣淨化機」、「要找間家具店有除虫(蟲)、除甲醛工序的嘍。」、「買返尼要(用)好高溫噴霧噴一次,殺蟲」,因此網民亦建議若購買實木傢俬需特別小心:「實木一定要買大牌子,有朋友試過貪平買細鋪真係有白蟻」、「簡(揀)大間嘅實木傢俬鋪買」。

網民建議在淘寶選購傢俬時不要選擇價錢過於便宜的傢俬,以及需找有信譽及評價較好的店舖。

有網民則擔心淘寶傢俬會有害蟲及甲醛問題,建議要自行滅蟲。

網民爭論:淘寶買傢俬究竟好定唔好?
而討論亦引起網民爭論於喺淘寶買傢俬到底係好定唔好,有部份網民就表示唔會考慮喺淘寶買傢俬,因擔心傢俬會引至害蟲:「唔會買,慳果一千幾百,一陣有木蝨仲慘」、「(可以)google(搜尋到)一大堆床bug(床蟲)(事例)都係因為(用)淘寶貨」,亦有網民分享中伏經驗:「買左個梳妝台,d櫃筒內籠係原木,冇油(髹)油冇癡防火板,搞到要自己油一輪防蟲防霉,另外床頭櫃櫃筒就有上油,但冇櫃筒路軌,姐(即)係就咁一個箱放個櫃筒入去,一拉個櫃筒就會飛出黎,上下櫃筒又會搭著,眼都大埋」

有部份網民則認為喺淘寶買傢俬並冇問題,並向網民分享用後感:「2年前買左張玻璃電腦枱...唔錯」、「我張床同衣櫃都係淘寶淘之後自已砌,床三年,衣櫃半年都冇咩事同蟲」、「成班盲反到,我淘啲傢俬落黎一件都冇出過事,成班恐懼x真係好好笑」、「其實(喺)香港傢俬(舖)買,9成都係幫你大陸訂返落黎...唔係話支持淘寶,而係都好多係made in china」,亦有網民認為喺香港買傢俬食水實在過深:「我最近都訂咗張書枱,自己定制可以揀用咩木咩腳架同尺寸,埋單連運費HKD1000左右,真係抵過喺香港買,睇過差唔多款都要三千幾四千,食水深x到」

有網民擔心淘寶傢俬會有木蝨及床蟲等害蟲,亦有網民表示買淘寶傢俬中過伏。

另有網民則分享自己曾經喺淘寶買傢俬,並表示其質素不錯亦又較便宜。

text/Jonathan
photo/HKET圖片庫

========

同場加映

【蝸居睇樓團】專業驗樓主任教路!新樓檢收5大必驗位,立即睇:

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章