《多啦A夢》呢套卡通不經不覺都誕生咗五十幾年啦，當中陪伴咗唔少人成長，至今仍然係非常受大家喜愛，每次有多啦A夢嘅推出都會吸引一大班粉絲。而近期就有日本生活雜貨品牌GreenFlash推出以「多啦A夢的日常」為主題嘅周邊商品，小編為粉絲們挑選咗幾件可愛又實用嘅文具雜貨，快啲睇下有冇啱你心水啦～
多啦A夢不銹鋼保溫杯 2,420日圓（約142港元）
這個不銹鋼保溫杯有450ml容量，當中嘅真空雙層結構可以令保溫保冷效果更高，無論想夏天飲凍嘢定係冬天飲暖嘢都可保持溫度，直接倒入飲料又得，當做杯架直接放置飲料都得！保溫杯一共有兩款，大雄同多啦A夢一齊食豆沙包好趣致啊～
多啦A夢玻璃杯 1,320日圓（約77港元）
這系列玻璃杯係以飲料同水為主題，共有4款圖案，分別有多啦美、多啦A夢捧著飲料嘅情景、多啦A夢與大雄玩水同釣魚嘅情景。難得今次周邊有多啦美嘅蹤影，當然唔可以錯過啦！
多啦A夢抗菌餐具套裝 1,320日圓（約77港元）
如果大家平時有帶開飯返學校或公司，但又冇一套餐具，咁就要入手呢套多啦A夢抗菌餐具套裝啦～只要將透明外殼輕輕一推就可以打開，而餐具亦可穩固地卡在凹位之中，攜帶時唔會有咔咔聲～
多啦A夢抗菌便當盒 2,035日圓（約119港元）
整個便當盒同隔板採用抗菌處理，加上四邊有安全扣扣實，湯汁都冇咁易漏出，用嘅時候都安心啲。盒蓋亦記錄咗多啦A夢喺日常生活中7個唔同嘅表情，好得意啊！
多啦A夢法寶刺繡襪 1,320日圓（約77港元）
這款襪子一邊繡有多啦A夢，而另一邊就繡有法寶，唔知大家又認唔認到這4款法寶呢？從左邊起分別係時光布、竹蜻蜓、記憶面包同隨意門，相信各位粉絲都有喺卡通裡面見過佢哋嘅蹤影！
多啦A夢收納包 1,848日圓（約108港元）
有粉色、藍色、灰色同米色嘅收納袋仔睇落細細隻，其實容量都幾大㗎，放到紙巾、化妝品、酒精搓手液等等，就連拉鏈嘅吊飾都係多啦A夢平時戴住嘅噹噹，十分細緻啊！
多啦A夢筆記簿 528日圓（約31港元）
筆記簿尺寸為9.5x16cm，細細本可以放入包包裡面，方便攜帶。小編最鍾意就係每款嘅內頁都印有封面嘅插圖，好可愛。
多啦A夢信封信紙 352日圓（約21港元）
細個嘅時候買咗靚靚嘅信封信紙就會好積極寫信畀人，但近年來已經愈來愈少人會寫信，其實親手寫嘅信係特別有意義同紀錄價值，多年後拎返出嚟回憶下都幾開心。
【Info】
GreenFlash「多啦A夢的日常」周邊商品
購買網址：https://www.greenflash-shop.com/
text/phoebe
source/GreenFlash
========
同場加映
【蝸居睇樓團】專業驗樓主任教路！新樓檢收5大必驗位，立即睇：
港生活人氣本地熱話
【請您去旅行✈️🌎】
↓登記領取HK$1,500 旅遊資助金💰！↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
