屋企有煙味傳入 懷疑樓下鄰居食煙  唔想喺屋企吸二/三手煙 可以點做?

2022.06.17

喺香港,搵到個安樂窩絕對唔容易,可惜屋有得自己揀,鄰居,真係無得揀!最近就有網民喺香港討論區上發帖求助,表示屋企經常會有強烈嘅煙味傳入,並懷疑煙味係由樓下某單位所傳出,令佢非常辛苦之餘又不知所措,只好向網民求助,一眾網民都紛紛發表意見,熱烈地參與討論!

屋企啲衫吸晒煙味 唔通要喺室內晾衫?
樓主表示自己喺屋企受到二手煙問題困擾,並認為係樓下有鄰居於窗邊食煙所致,試過同管理處投訴但無效,亦試過在窗外大叫要求樓下唔好再噴煙,但都解決唔到問題,只好自己自行關窗,但樓主表示當需要晾衫時亦難以避免需開窗,擔心衣服會有煙味,使其及家人最後吸入三手煙,不知道應如何處理。有部份網民就認為事情難以解決,只好建議樓主在室內晾衫:「咁你只有唔掠(晾)衫出去同關窗。我都係用天上野衫架加套加風機, 好快乾。」、「呢個情況真系無得搞!你應該明白,你晒(曬)衫唯有放屋內開冷氣,其他嘢要投訴真系無得受理」,亦有網民表示身同感受,同樣受到二手煙問題困擾:「你都好吖喺窗吹入嚟可以閂窗,我係同一層喺門攻入嚟,痴(黐)咗海棉都唔得,專登買部空氣清新機擺近門口先掂」、「身同感受,現晚上12點關上窗仍聞到煙味,不過我係隔離屋,風向吹正食晒味。」

有網民就認為要「有仇報仇」,主張採取報復式行動:「樓下就方便啦,親(趁)佢掠(晾)衫痾尿落去佢D衫度…」、「咁好多嘢玩,東張西望都有教,可以玩屎玩尿落樓下。」、「如果你確認係樓下邊個單位,如果見下面晾衫,就唔覺意淋D污糟水落去,教訓下佢。」

網民認為投訴樓下鄰居吸煙難以受理,建議樓主在開冷氣屋內晾衫。

有部份網民覺得要教訓樓下鄰居,用排泄物作報復。

喺自己屋企食煙究竟有冇錯?

對於喺自己屋企吸煙而影響到鄰居嘅問題,有網民就對吸煙人士表達強烈嘅不滿:「煙鏟真系好x街」、「煙鏟關門關窗慢慢食飽佢,正x街」、「食煙既人好自私」、「我真係好討厭煙味 ,有的(啲)人唔係食緊煙都有陣煙味,我試過搭巴士有個男人坐埋黎,個臭煙味難頂到我即刻走開」、「煙味特別臭,隔一層都聞到。」但亦有網民認為若於自己屋企吸煙根本冇任何問題:「有煙味飄入屋係好討厭,不過人地在自己屋吸煙冇犯法」、「喺露台食煙關你乜事吖」、「幾百萬買間屋喺露台食煙你都要管?!」

另外就有網民提出應向政府表達要求落實香港全面禁煙:「依家仲有乜好再收緊啫,直頭全面禁咗佢最好,個社會會和諧好多」,但有網民就回應會令煙民難受:「咁食煙嗰啲人,你迫佢唔食煙又係辛苦嘅。」,亦有人認為其實根本問題在於香港人太過自私:「人地係自己屋企範圍內食煙呀,關乜鬼禁煙事呀,港人主要係太自私,全要提升港人質素好過啦。」

對於在自己家中吸煙但影響到他人嘅問題,網民意見都各有不同,有人認為要關門關窗,亦有人認為冇任何問題。

有網民認為香港人質素過低及過於自私,所以才會導致類似事情發生。

text/Jonathan
photo/HKET圖片庫

========
同場加映
【蝸居睇樓團】專業驗樓主任教路!新樓檢收5大必驗位,立即睇:

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章