尋人記2|徐志文靠一張穿窿出世紙尋素未謀面親生媽媽 面對渺茫尋人機會心酸一句話接受現實

2022.06.16

TVB節目《尋人記II》開播以來叫好又叫座,最後兩集就再有驚喜,攝製隊遇過不少曲折離奇的個案,之前報道的「吃杯麵男孩」徐志文憑著樂天性格走出人生低谷,勵志故事打動不少人。原來他在訪問途中突然拜託攝製隊幫忙「尋親」,希望找到親生媽媽!志文向攝製隊展示手上的出生證明,偏偏母親名字一欄穿咗個窿。

節目組由「尋人」升呢展開「 百無 」尋親記,但志文對於親生媽媽的名字、相片、樣子、行蹤、身在地方都一無所知,由於媽媽在志文出世後就離開了香港再無出現,因意志文對媽媽是「零印象」的,但就是因為從未見過一面,因而想嘗試找回媽媽。可是,志文手上的唯一線索就是一張穿窿的出世紙,正正在媽媽的名字上穿咗個窿。

►App《U TV》專區超過50個自家製節目任睇

尋親第一步就是到補領出世紙,尋回媽媽的全名,其後到當年出世的醫院查詢,可惜經21年存檔後再無相關資料;節目組轉戰網上FB尋人後同樣未有眉目。幸好,志文再提供了一些懷疑是媽媽親筆的泰文筆記,終於再見曙光。

節目組又找來居港泰國人協助翻譯筆記上的字句,始發現是泰國東北部鄉下地方的地址,終輾轉找到了一位女姓,但原來只是碰巧同名同姓住同一區而己,遺憾落得空歡喜一場。

為尋親鍥而不捨,節目組再到紅十字會的專業尋人服務協助,簡單獲得基本背景資料後,紅十字會的譚姑娘亦提醒志文做好心理準備,尋人未必有結果。對話如下:

譚姑娘:如果搵唔到嘅時候,其實你係會點?有冇想像過?
志文:都係⋯⋯拜一拜(祭)囉。
譚姑娘:意思係你當搵唔到就當不在一世?
志文:當佢走咗㗎喇。
譚姑娘:如果搵到,但媽媽話唔方便聯絡⋯⋯你又點睇呢?
志文:順佢意思囉,都係冇辦法,有搵過就得㗎喇。

惟自去年9月至今,泰國方面一直未有進展。對於志文的尋親記,不少網民都留言祝他能尋親成功,同時也對攝製隊再挑戰難度捏一把汗:「志文阿媽並無舊片,當年亦無受訪,今次如果尋人成功並出鏡,可謂尋人案中案」、「杯麵男冇見過媽媽一面,就算媽媽冇照顧過佢,但都依然想搵番佢,心胸廣闊」。

 

圖及來源:節目截圖

 

下一頁

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章