網民熱討:搬新屋率先同鄰居送禮打招呼,日後反而變咗仇家?!

2022.06.21

搬新屋,除咗裝修同買傢俬電器都要費心思之外,有無諗過鄰里關係,其實都好影響到日後嘅生活呢?咁究竟新屋入伙時,係咪應該要買份小禮物,去同鄰居打個招呼呢?有網民就喺連登討論區發帖問意見,點知竟然有人試過打完招呼,日後反而被鄰居恰,最後變咗仇家㖭呀!

隨和嘅咪拎盒朱古力去,惡形惡相嘅之後少接觸!
樓主分享自己經驗:「我記得當時入伙嘅時侯,好似係聖誕節前,買咗幾盒嘢食去送禮,同埋簡單介紹自己,你地會唔會去認識下啲鄰居?」,有網民話唔會:「村屋就會,普通屋苑打黎做咩?」、「係咪公屋先會?」、「唔會lol!見到面打聲招呼,完!」、「裝個cctv,慢慢觀察鄰居係咩人」。

但亦有唔少網民話會:「會,尤其隔離屋,送咗盒水果畀佢,打咗個招呼,話曬裝修咗幾個月」,除咗代表「裝修咗咁耐,打搞晒!」之外,原來好大作用,係乘機了解吓鄰居係點樣嘅人:「會呀!分兩個stage嘅:1.打聲招呼,順便觀察下隨唔隨和;2.隨和嘅咪拎盒朱古力去,惡形惡相嘅之後少接觸!」。不過亦有網民講笑:「會呀!如果知道有啲後生人妻住隔離,得閒就送啲酒心朱古力咁!」

有網民就覺得如果住村屋就會入伙帶禮物去拜會鄰居,如果係普通屋苑就唔會。

網民話呢個行為,其實係可以預先了解吓鄰居係邊類人,可以諗定日後點相處。

打完招呼知你好恰,之後日嘈夜嘈,博你唔投訴佢!
不過有網民就分享,同鄰居打完招呼後,反而同鄰居變咗仇家:「打完招呼知你好恰,之後日嘈夜嘈,啲鞋放門口,博你唔投訴佢!」,網民好關心事情發展,點知原來係:「越來越放肆,最後變咗仇家,早知唔打招呼!」但有網民出言安慰:「或者就算你無打招呼,佢都係咁㗎啦!唔少人都投訴畀啲騎呢鄰居騷擾,好惡頂!」

但竟然有網民表示經過打招呼事件之後,反而被鄰居知道自己好恰,之後就成日製告噪音騷擾,日後仲變成仇家。

text/Joyce
photo/HKET圖片庫

========
同場加映
【蝸居睇樓團】550呎舊居屋變身北歐風酒店套房!拱門衣帽間 | 仿17世紀木紋地板

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章