光年正傳|7大值得入場理由 「美國隊長」完美化身「太空隊長」、片尾有驚喜彩蛋

2022.06.17

迪士尼彼思(Pixar)動畫《反斗奇兵》系列一向家傳戶曉,今年Pixar首次推出Toy Story外傳電影《光年正傳》(Lightyear),帶大家揭開經典角色巴斯光年的傳奇故事,電影本周四(16日)已經正式上映,一齊睇吓有咩必睇理由啦!

揭開讓安仔愛上巴斯光年的原因

你係巴斯光年或《反斗奇兵》的忠實Fans就一定要睇!迪士尼與彼思最受歡迎的皇牌系列《反斗奇兵》(Toy Story) ,多年來一直陪伴觀眾成長,其中太空戰士巴斯光年更是不少影迷的最愛角色。今次巴斯光年單飛發展,擔演首部個人電影,亦是《反斗奇兵》系列角色安仔 (Andy) 最喜歡的電影!原來當年安仔對巴斯光年玩具情有獨鍾,正是因為看了《光年正傳》這部電影。想分享安仔的最愛電影,當然要第一時間入場支持啦!


追溯太空戰士的英雄起源故事

一直以來,大家其實對巴斯光年的身世所知不多。今次的外傳電影,就會追溯這個太空人玩具的英雄起源故事,如何由一個初出茅廬的年青太空人,成為一代傳奇太空戰士,見證英雄之煉成。故事有趣、刺激之外,劇情峰迴路轉,更會揭露一個驚天大秘密,一定要趁早入場!

 

巴斯光年唔止係玩具咁簡單

有別於《反斗奇兵》中的玩具角色,今次巴斯光年化身太空男神,以高大威猛完美身形著上太空戰衣Man爆上陣,對付死敵索克天王表現英勇過人,於危急關頭帶領團隊扭轉劣勢,盡顯英雄隊長風範,同時又是略帶傻氣的愛心暖男,外剛內柔,更是愛貓之人。咁有魅力的型男巴斯光年,粉絲們當然要大大力支持,入場陪佢「太空戰士一飛衝天To Infinity and Beyond」!


「美國隊長」完美化身「太空隊長」

電影原裝英語版更請來《反反斗奇兵》忠粉的「美國隊長」基斯伊雲斯  (Chris Evans)  聲演巴斯光年,由最有代表性的人物投入演繹凡人化身英雄的心路歷程。兩大超級英雄集於一身,驚喜效果令人期待!


死敵索克天王回歸、新角色機械貓萌爆搶鏡

巴斯光年之外,《反斗奇兵》中大家熟悉的大奸角索克天王亦會回歸,率領邪惡機械人兵團,與巴斯光年展開連場惡鬥。而全新角色就以機械貓主子襪仔最為搶鏡,外形萌爆性情可愛,更兼備各式先進功能,肯定贏盡觀眾歡心。巴斯光年更有幾位全新拍檔,一隊搞鬼雜牌軍各有特色,既搞笑又感人!

 

《星球大戰》班底炮製太空激鬥震撼場面

電影以宇宙大冒險為背景,有大量穿梭太空和外星星球的浩瀚大場面,加上巴斯光年與索克天王和機械人兵團的連場激鬥大場面,更請來《星球大戰》(Star Wars) 幕後班底參與製作,營造別具一格的未來感和科幻色彩,一定要在大銀幕欣賞才能充份體驗前所未見的視覺震撼!

 

片尾驚喜彩蛋不容錯過

看完正片,大家千萬不要趕住離場,電影字幕完結後還有驚喜片段,保證讓大家意想不到!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】請您同毛孩免費住酒店!↓

↓立即分享寵物照片 贏走獎品!↓

↓立即分享寵物照片 贏走獎品!↓

↓正嘢!《社群》專區登錄App↓

↓必睇人氣生活+美食主題深度關注組↓

 ↓必睇人氣生活+美食主題深度關注組↓

評語

相關文章