樓上單位漏水 搞到屋企幅牆濕哂 對方咩都唔肯做 有咩方法可以解決？
想喺屋企住得舒舒服服，定期嘅家居維修就當然唔少得，但如果問題係出自於係樓上單位嘅話，又可以點搞？最近就有網民喺連登討論區上發帖求助，表示屋企樓上嘅單位出現漏水問題，漏水更令屋企幅牆濕哂，但對方卻冇諗過要解決問題，咩都唔肯去做，所以只好尋求一眾網民意見，睇吓有咩辦法可以解決！
搵裝修公司做防漏工程？搵公證行？搵滲水辦？
樓主發帖表示：「樓上漏水，漏到我幅牆濕x哂。佢而家咩都唔肯做，有冇計？」，一眾網民因樓主嘅遭遇都紛紛地熱烈畀意見，有網民就認為要搵相應的部門去處理樓上漏水問題：「搵埋管理處上去」、「公屋搵房屋署，私樓搵食環(署)屋宇(署)」、「直接call滲水辦佢會黎搞會聯絡埋樓上」，而有網民就建議樓主將事情訴諸法律：「搵公正行再搵律師，記得搵管理處落record，civil claim(民事索償)果(嗰)舊數可以好和味，詳情問返公正行，佢地明既」，亦有網民認為可向保險公司申請索償：「Claim自己家居保，等保險公司做野」，但有網民就提出保險是需於一早購買：「要發生之前買…巳經問過」
另外有網民就認為可以搵裝修公司進行俗稱為「打針」嘅防漏工程：「搵人打針，記得盡情地打」、「PU injection，打d化學物質嚟防漏」、「打針，谷x晒d藥水到樓上地台」，但亦有網民提出打針有機會導致漏水轉移至其他地方：「(小心)打到由廁所漏變到廳漏水」。而有部份較激進嘅網民就建議採取報復式嘅行動：「最好日日上去x佢老x，x做(到)佢整為止，如果唔整慢慢同佢玩」、「震樓神器幫到你」、「吹冷氣上頂」、「封左你天花板果條去水喉」。
有網民認為要搵食環署、屋宇署、滲水辦、公證行等部門/公司去處理漏水問題。
亦有網民建議樓主搵裝修公司進行「灌注止漏」的止漏工程，即「打針」。
搵食環署、屋宇署、滲水辦都冇用？
對於有人認為搵食環署、屋宇署、滲水辦等政府部門就可將漏水事情解決，有多名網民則以親身經驗表示其實並無用：「叫食環(署)都冇用，幫你試色粉就算x數」、「搵食環狗等到蚊訓落垃圾色水有鬼用，上次試過入水喉出事，點倒都冇用」、「真係無x用……你唔好對政府部門有任何期望，佢地(喺)足球名將傳來傳去，經驗之談」、「無x用，兩年半前發現漏水，拖咗成年先揾人上來睇，去到上年年中話本身跟開呢個case嘅同事調走咗，新接手嘅要所有嘢要由頭開始做過，去到而家都繼續漏緊，樓上又唔合作，揾區議員都無用」、「幾個月前我都係搵滲水辦，check完樓上，試完色水，話去水污水果(嗰)d(啲)無事，之後話轉介比屋宇(署)，到依家都無人搵過我，成件事不了了之」。
而亦有網民解釋點解食環署處理漏水問題需時非常長：「1823搵食環(署)，程序一定係，試去水>>>等三星期睇結果>>>冇發現轉介外判>>>試用水>>>等三星期睇結果>>>評估滲水情況似唔似來水/外牆滲水>>>有需要再做相關嘅test。所以如果唔係去水位導致滲水，程序一定係慢嘅」。
有網民以親身經驗表示食環署、屋宇署、滲水辦等政府部門處理漏水問題除了需時長，亦沒有作用。
有網民就講出食環署處理漏水問題的程序，表示若非去水位導致漏水的話，處理過程一定慢。
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
【旅途無蝨】請您用AQUA PRO+TECH「驅蚊大師」滅菌驅蚊液 ！
