對於租屋一族嚟講，入伙前嘅深層大掃除絕對係不可或缺，唔好以為隨便抹吓嘢、掃吓地就搞掂，其實都有唔少學問㗎！今次搵嚟創立接近6年嘅清潔達人—「韓管家」教路，作為一間韓國、北京、香港三地嘅國際連鎖清潔公司，佢哋主打韓國傳統深層清潔文化，同時配合機器及環保系清潔劑，提供一系列管家服務。 韓國菜就食得多喇，韓國式清潔真係未見識過，一於睇吓佢哋點搞掂間屋先！
創辦人之一阿賢提醒大家，如果屋企做大掃除記得由房間開始清潔出廳，由高至低，由外至內。
Step 1：睡房
清潔房間嘅原則都係由高至低，由入面到外面，由天花到牆身至地下。
首先最簡單的抹窗，記緊注意安全！再來是清潔布藝用品例如︰床褥、窗簾、枕頭等，韓管家團隊會利用專業機器吸塵蟎及蒸氣消毒。再來是清潔櫃桶及擦拭其他傢俬，最後才是地面清潔，千祈唔好漏咗門頂！
如果是雙面床褥記得吸埋另一面啊！
Step 2︰廁所
跟住就嚟到難度系數高達4級嘅廁所！阿賢話要注意嘅地方都唔少㗎，包括抽氣扇、座廁、浴屏、水龍頭、排水位、洗手盆、鏡子、清潔地板最後再全面蒸氣消毒，咁就乾淨晒啦！
有個小貼士俾大家，如果用百潔刷都刷唔走污漬，可用刮刀刮除頑固污垢，相當有效！
唔好漏咗排水位、水龍頭同潔具，排水位建議定時倒入稀釋漂白水。
Step 3：廚房
以為廁所已經夠污糟？廚房先係「打大佬」級別啊！
上一手租客及業主普遍只會大概清潔一下，肉眼睇到乾淨就算，但廚房卻係全屋最易深藏污垢嘅區域，當然要徹底消毒先可以入伙啦！清潔原則同樣係阿賢教嘅「由高至低」，唔講咁多，一於睇吓韓管家示範啦！
要洗抽油煙機真係好大工程！首先清洗所有可拆除部份，建議使用去油去污清潔劑，善用刮刀刮除頑固污漬，最後清水沖洗後用乾布抹拭。
望到咁乾淨都覺得好有治療感！
清潔煮食爐及枱面自然唔少得！
由於過程中會用到水，所以留到最後才處理，記得內膽也要擦拭。
由於過程中會用到水，所以留到最後才處理，記得內膽也要擦拭。
Step 4：客廳
睇完廁所同廚房，客廳絕對係濕濕碎啊！
首先會將布藝傢俬進行吸塵螨同蒸氣消毒，之後會抹拭其他傢俬，最後拖埋地就搞掂喇！
吖，唔好漏咗大門口啊，咁就大功告成搬得入去住啦！
梳化暗藏唔少細菌、垃圾同塵螨。
全屋布藝傢俬嘅塵螨同污糟物，好核突啊！
最後阿賢仲有幾個家居清潔常用小貼士俾大家！
小技巧1. 自行消毒床褥：先以毛巾墊住，用舊式熨斗來回熨平床褥即有消毒效果，建議一個月一次。
小技巧2. 去霉斑：用稀釋漂白水噴濕廚紙放在霉斑上醃約 2 小時即可去除。
小技巧3. 防浴屏水垢：每次沖涼後以乾布抹乾水漬。
【INFO】
韓管家
地址：香港新界屯門海榮路 9 號萬能閣 3 樓 306 室
電話：9308 9608
清潔收費：400呎以下 $3,700 港元、401呎-600呎 $4,200 港元、601呎-800呎 $5,100 港元、801呎-1000呎 $6,100港元(其後每呎 $7 港元)
電郵：info@koreanclean.com
網址：koreanclean.com
text/Yuen
photo/Jay、Kuen
========
同場加映
【蝸居睇樓團】550呎舊居屋變身北歐風酒店套房！拱門衣帽間 | 仿17世紀木紋地板
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
