專業驗樓師詹Sir分享2021年驗樓5大奇遇 廚房鋅盆得一隻手掌咁大!

2022.06.28

而家好多新樓盤嘅設備同間格等,都「古靈精怪」,唔好用之餘仲問題多多。喺香港專業驗樓學會啱啱舉行嘅「2021年度建造及裝修業優秀大獎頒獎大禮」上,香港專業驗樓學會會長、工程監督師詹濟南 (詹Sir) 就以不記名方式,同大家分享咗5項去年驗樓親身經歷嘅「奇聞」,真係令人「眼界大開」㗎!

1.廚房鋅盆得一隻手掌咁大!
而家好多納米樓都好細,詹Sir就見過一個新樓盤嘅開放式廚房,鋅盆闊度只有一個成年人手掌咁大!詹Sir話:「個煲大啲都未必放得落去!」,對於呢個「香港特色」,佢都好無奈!

呢個廚房鋅盆,真係得一隻手掌咁大,洗吓手及杯碟都仲得,但你話若果要洗煲嘅話,可以點算呢?!


2.浴室有蜈蚣!
新樓未必一定好乾淨好衛生!詹Sir試過喺新樓盤驗樓嗰陣,發現廁所淋浴間嘅去水位,有蜈蚣出現,沖極都唔走,仲嚇到同行女同事尖叫!詹Sir話喺低層單位會特別容易有呢呢種情況發生。

新樓嘅淋浴間,有條咁健碩又活潑嘅蜈蚣,搵花灑沖極都唔願走,都真係幾驚㗎!

3.焗爐有半底焗蛋!
詹Sir又試過入到新樓盤驗樓,竟然發現個焗爐入面,有半底類似焗蛋嘅物體,唔知係食剩定未食過,詹Sir笑住咁話:「知我來驗樓,特登焗隻蛋俾我食,幾開心呀!」

去到間未有人入住嘅新樓盤,打開焗爐竟然有份唔知有無人食過嘅焗蛋,係咪好詭異呢!

4.廁所水匣掣位喺屋外面?!
另一個關乎發展商設計問題嘅「驗樓奇聞」,就係廁所馬桶個水匣掣位喺單位嘅外牆,伸手又摸唔到,就算攞張長梯亦爬唔到過去,仲會隨時跌落街,亦唔夠位上落吊船,詹Sir話:「即使你想換過個座廁,我都唔知點叫個水喉佬閂水掣!」、「如果爆水喉,都唔知點閂水掣!」,佢惟有慨歎希望發展商下次設計呢啲設施時,喺用家角度諗吓係咪可以使用到

廁所水匣掣喺屋外牆咁嘅位置(相中紅圈),請問可以點樣去閂水掣?!

5.門框寫住「死光頭」
詹Sir又見過有單位嘅木門框,被刻咗「死光頭」3 個字,究竟係咪呢個樓盤有個光頭嘅人,得罪咗人呢?

究竟係咪業主得罪咗人,結果畀仇家嘅門框刻咗「死光頭」呢?

text/Joyce
photo/香港專業驗樓學會提供

========
同場加映
【蝸居睇樓團】師傅話你知!新居入伙前拜四角宜忌 +四類人忌拜祭

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章