MIRROR成員Tiger（邱傲然）日前出席第十六屆鮮浪潮國際短片節頒獎禮，並擔任頒獎嘉賓致辭，席上Tiger的一段自我介紹就罕有公開談及外間近月以來為MIRROR成員區分「上弦」、「下弦」的身份，短短的獨白就獲花姐和不少網民大讚，獲讚雖年紀輕輕但心態謙卑豁達。
Tiger在頒發最佳攝影獎前先作自我介紹，道出自己「下弦」身份，「近排就好多人搵MIRROR拍戲，梗係好啦！但搵MIRROR，佢哋好多時都係搵姜濤、Edan、Anson Lo、Jer、AK或者有時搵Lokman，但大多數拍戲都係搵上弦嘅人。咁咩係上弦呢？就係MIRROR十二個人，多啲人識嗰6個就係叫上弦，無咩人識嗰啲就係下弦，所以佢哋好少可搵下弦嗰啲拍戲，即係Tiger、Alton、Frankie嗰啲。有見及此，我今日嚟其實係尋求工作機會！大家好，我係下弦嘅Tiger！」在場隨即響起觀眾歡呼聲。
►App《U TV》專區超過50個自家製節目任睇
他續說︰「點解會有下弦呢？可能啲人覺得呢班人唔得，呢班人冇作品點會得，咁但係…冇作品即係冇人睇，冇人睇即係冇人氣，冇人氣即係冇人知，OK！冇作品睇到即係冇睇到，咁冇睇到你又點解知我哋唔得呢！ 譬如好多同齡朋友，22、23歲，啲老闆聽到咁後生咁年輕得唔得㗎？咁我就諗，點解唔得呢！到底係唔得，定係未得呢？我都唔知，但係惟有盡力試下。」
Tiger又表示「機會嚟到就盡力試，入行呢幾年知道冇機會時就努力啲，有機會時就盡力啲……」同時又藉此提及自己有份參演的新劇《死角》，透露將會安排於十月播出，呼籲大家可以多多留意劇中的一名長髮男演員，即他本人，才決定他到底「得唔得」。不少網民聽完就大讚Tiger思想成熟、謙卑豁達心態相當高EQ。
圖及來源：IG@Tiger、節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
《社群狂歡大激賞》！送hellolulu最新系列袋款🎁！
