網民求救:廁所去水位外牆條喉滲水 畀樓下投訴 究竟邊個要負責維修?

2022.07.07

好多家居維修問題,一涉及「公共地方」,究竟責任誰屬,真係有排抝!有網民就喺連登討論區發帖,話屋企廁所去水位外牆條喉有滲水問題,畀樓下投訴,咁呢個情形,究竟係應該自己搵人搭棚維修,定係屬業主立案法團筫責維修呢?

樓主表示而家係搵住啲玻璃膠封咗廁所去水位暫時頂住,網民問樓主:「你滲水個位入咗主渠未先?未入嘅話即係你exclusive use啦!咁好大機會真係你負責。」、「應該係一出牆果截就已經滲,對呢啲喉無認識, 但一出牆果截係幼幼地同有九十度彎嘅,我估主渠應該係最粗同直不甩果條?即係只係果條漏水先立案法團,其他都係我地自己搞?」,網民回應:「主喉就大廈負責,接駁主喉之前個段分支喉,一定係業主自己負責」、「你條喉漏水係你負責,外牆無端端有水滲入你間屋先係大廈負責」、「打直立案法團,打橫業主」,樓主恍然大悟,多謝網民出手相教:「唔該晒巴打,即係我搞清楚邊條係主渠同埋邊條喉漏水就ok」。

網民再分享心得:「我試過同你一樣,要搭棚,攪掂晒$6,000-$8,000」,「如果整叫佢加返個開關掣,大吉利是以後有咩事可以係出面關咗先」。

樓主表示而家用玻璃膠封咗廁所去水位暫時解決滲水情況。

網民表示未駁入主喉之前嘅分支喉滲水,就係業主負責維修;如果係主喉,就係大廈立案法團負責。

text/Joyce
photo/HKET圖片庫

========
同場加映
【蝸居睇樓團】土瓜灣納米樓變身屋主珍藏展示屋+建閣樓變工作空間

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章