樓上單位裝修咗成半年 日日嘈住晒 對於鄰居無了期嘅裝修工程 可以點做?

2022.07.06

每個人都希望屋企係住得舒適,如果喺屋企日日都受到嘈音滋擾,都咪話唔困擾,最近就有網民喺連登討論區上發帖求助,表示自己受到樓上單位裝修工程所造成嘅噪音影響已經接近半年,想話上去了解工程究竟幾時完成,點知得唔到答覆之餘,仲被裝修工人惡言相向,令佢相當之憤怒,只好尋求一眾網民幫手,睇吓有冇咩方法可以解決到!

裝修依足法例所以冇得搞?應詢問管理處?

樓主表示自己從今年一月開始在家工作,而樓上單位則在當時已經開始進行裝修工程,日日都由9點鑽到6點,仲要鑽牆鑽到樓主屋企嘅天花有灰跌落,令樓主相當無奈,然後終於忍無可忍,走上了樓上單位問裝修工人到底裝修工程幾時先完成,點知裝修工人就向樓主表示唔需要向你答覆,仲叫樓主向管理處投訴或者報警,但樓主心知投訴無用,只好尋求網民意見。對於樓主受到呢個可能係無了期嘅裝修工程影響,有網民就認為裝修工程似乎有按照規矩,並冇任何辦法解決得到:「真係無得搞嫁喎,人地咁識規矩」、「一至五,9-6跟足就冇咩做到」、「佢唔係星期六日/夜晚鑽真係吹佢唔脹」、「法例規定星期一至六7:00至19:00,政府都拗佢唔入」

有網民就認為裝修工人的確無需向樓主交代,樓主應要直接向管理處查詢:「老實講,人地真係無必要同你交代,你一係問管理處,裝修佬心諗業主未催,你催乜x,又唔係你出糧」、「人地有同客交代,都唔駛同你交代啦,直接問管理處,如果新樓都會要求期限」、「管理處應該有貼出黎講個裝修period,直接同管理處講好過同裝修佬嘈」、「我同你情景一樣......知道直接揾裝修佬一定冇用,我就問管理處佢會鑽到幾時,我話我會租酒店,管理處有答我時間ge(嘅)」,亦有人建議樓主可先與裝修單位業主溝通:「搵管理處搵業主電話,溝通下先,睇下業主咩態度」

有網民認為裝修工程有按照在法例規定時間內進行,所以問題並無辦法可解決。

亦有網民認為裝修嘅時期應向管理處查詢,搵裝修工人並冇用。

向各政府部門投訴?誰大誰惡誰正確?

有網民就認為亦並非完全冇辦法,建議樓主可以照樣向不同政府部門投訴:「照投訴,反正都要受氣,就殺敵1000,自損800,你投訴完自然有人會拎果籃揾你求和」、「好簡單姐,好多時(工程)偷雞紅日做,朝七晚七做,一斷正就(打)1823」、「唯有隨時準備拍片,一有垃圾推出嚟走廊,一過6點仲做立即拍低報食環出告票」、「先打(畀)環保署,投訴佢「多塵」、「超時工作」;再影佢相,投訴佢胡亂棄置建築廢料;報食環,多佐(咗)好多垃圾;報消防,反映見到佢推佐好多易燃品入屋(如有),懷疑天拿水過20L 。」,亦有網民建議若裝修工程導致天花有灰跌落的話,可向裝修單位業主提出索償:「俾人鑽到天花跌灰咪claim佢囉」、「跌灰,可以call管理處影相,有得叫佢幫你整返」

亦有部份較激進嘅網民就認為要同樓上單位鬥惡,建議採取報復式嘅行動:「夜晚開大冷氣向上吹,整攤水俾佢」、「用震樓神器,日日播佛經或者咸片佢聽」、「每日趁佢裝緊修,aa膠入鎖匙窿啦,到夜晚佢地走左,你再aa膠入鎖匙窿,每次煩x死佢」、「每日擺舊黃金喺佢門口」,有網民隨即表示真係有類似嘅事情發生:「聽過有啲白卡佬每朝9點前倒啲屎水落人地門口玩x啲裝修佬」、「見過有白卡癲x到拎住一桶油去油人哋隻門同門框,聽隔籬鄰舍講,原來唔係油漆,條白卡開臭蛋漿油哂門同門框,一乾咗成條走廊臭到垃圾站咁,最後裝修緊嗰家人又花籃又盛咁去同白卡賠罪」

有網民建議樓主向環保署、食環署、消防處等政府部門投訴。

亦有網民認為要用震樓神器、排泄物作報復,而有網民更表示見過有鄰居採取報復式行動,最後並令到該裝修單位業主向其賠罪。

text/Jonathan
photo/HKET圖片庫

========
同場加映
【蝸居睇樓團】土瓜灣納米樓變身屋主珍藏展示屋+建閣樓變工作空間

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章