日本雜誌附錄 零食商品周邊化 雪見大福、明治朱古力造型收納袋

2022.07.09

日本雜誌經常都會與唔同品牌合作,推出各色各樣嘅周邊商品,有時贈品嘅價值甚至比雜誌更高,唔少人都係為咗贈品而買雜誌。今期日雜同各大食品品牌合作,推出多款零食造型嘅收納袋仔,非常可愛趣致,一齊睇下有咩商品啦~

1. 雪見大福收納袋 1,969日圓(約114港元)
雪見大福40週年造型筆袋,接近100%還原新包裝,而且設計非常用心,背面有隻小小的雪見兔拎住心心,而下半部用咗白色毛毛做裝飾,觸感柔軟,就好似大福嘅口感一樣,拉鏈位仲整咗粒糯米糍,細節位滿分啊!

2. 明治牛奶朱古力95週年收納袋 1,980日圓(約115港元)
鍾意食明治朱古力的各位一定要收藏,這款多功能收納袋分開兩邊,每邊有唔同間隔,包括4個卡片袋、開放式口袋、拉鍊網袋、拉鍊袋、2個橡皮筋、網袋,一共10個儲物空間,可以整齊地擺放不同的小物件。

3.  LOTTE CHOCO PIE 朱古力批小袋套裝 2,079日圓(約121港元)
朱古力批造型袋仔超像真,連面頭的朱古力紋路都整到一模一樣,唔睇真啲以為食得添啊!這款小袋套裝除咗有朱古力批袋仔,就連包裝都改造成收納袋,可以分開單獨使用。不過兩款袋仔的收納空間都相對地少,可以放化妝品、耳機同文具等。


4. PRINGLES酸奶油洋蔥味保溫瓶 2,585日圓(約150港元)
PRINGLES的Sour Cream筒裝薯片相信大家都有食過啦,這款保溫瓶就完美還原品客經典綠色瓶身設計,唔仔細啲睇以為佢真係薯片啊。500mL大容量可裝熱水或凍水,甚至連雪糕都可以擺入去,可以保持溫度約6小時左右,造型得意又實用啊!

5. 日本チロル朱古力收納袋 1,980日圓(約115港元)
日本チロル朱古力細細塊又多口味,每款味道都有唔同包裝,其中兩款的包裝就化身成為收納袋,拉鏈把手係平時食開的方型朱古力,外型十分討人喜歡!中間間隔位仲可以垂直或打橫擺放,非常靈活!

6.新宿中村屋 肉包造型包 1,738日圓(約101港元)
唔好以為呢個肉包只係可以掛喺袋上面做裝飾咁簡單,其實佢仲有條拉鏈仔放到啲散銀,背面就可以放到卡,迷你又方便。

7. OREO造型袋 2,189日圓(約127港元)
OREO一直以來都深愛大家喜愛,平時食雪糕或甜品都會有佢嘅出現,OREO愛好者千祈唔好錯過呢款咁可愛嘅OREO造型袋啦!


【Info】
日雜附錄
購買網址:https://tkj.jp/

text/Phoebe
source/tkj.jp

========
同場加映
【蝸居睇樓團】土瓜灣納米樓變身屋主珍藏展示屋+建閣樓變工作空間

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章