上次介紹嘅日雜附錄零食周邊商品多數以收納包包為主，今次小編就搜羅咗更多零食品牌嘅周邊，包括：鑰匙扣、髮帶、襪子及環保袋等等。相信大家對呢啲品牌一啲都唔陌生，部分可能係小時候最愛嘅零食添啊！一齊睇下你認唔認得以下商品係來自邊款零食啦～
1. 明治三角士多啤梨朱古力筆袋 1,408日圓（約89港元）
呢款明治士多啤梨朱古力可以話係大部分人嘅童年回憶，相信唔少人都有食過，甚至而家都仲係好鍾意食！筆袋嘅正面還原返士多啤梨朱古力嘅設計同包裝，背面就係粉紅色，十分可愛！
2. 愉快動物餅鑰匙扣 1,014日圓（約61港元）
近年愉快動物餅與不同品牌合作推出周邊商品，當中不乏環保袋、毛巾仔、錢包等等，每次開售都大賣，可見動物餅係幾咁受歡迎啦～而呢款鑰匙扣有齊獅子、大象、長頸鹿同貓，仲可以當掛飾咁掛係包包上～
3. 牛奶妹髮帶 1,400日圓（約84港元）
女士們必備嘅髮帶！平時洗面、落妝或者敷面膜都需要夾起瀏海，以免弄濕頭髮，呢個牛奶妹髮帶就啱哂啦～
4. Pure軟糖, 明治CHELSEA糖 418日圓（約25港元）
唔知大家有冇食過呢兩款糖呢？Pure軟糖就比較新，而家多數喺便利店都可以買到。而明治CHELSEA嘅乳酸糖同拖肥糖就比較少見啦，但經典嘅包裝同珍貴嘅回憶仲記得好清楚！
5. Calbee卡樂B環保袋 690日圓（約41港元）
見到呢個配色同圖案係咪已經估到佢係卡樂B嘅出品呢？細細隻環保袋都可以放到唔少嘢㗎，鍾意食卡樂B嘅你可以買返個擺喺屋企望梅止渴喎～
6. 明治蘑菇竹筍朱古力筆袋 990日圓（約59港元）
蘑菇定竹筍？邊個好食啲？呢個問題由商品開售到而家一直都係熱門話題，日本消費者對於明治朱古力零食「竹筍里」同「蘑菇山」嘅美味程度不停爭論～不過今次唔洗爭，因為一個筆袋有齊蘑菇同竹筍，一樣咁可愛啊！
7. 腐皮烏冬筆袋 2,000日圓（約120港元）
腐皮烏冬曾經喺Donki被瘋狂搶空，皆因杯面裡面嘅腐皮實在係太正，索盡湯汁！而家腐皮烏冬化身為狐狸仔筆袋，可愛程度爆哂登啊！
【Info】
日本零食 周邊商品
購買網址：https://www.rakuten.co.jp/
https://www.jsplanning.jp/shopping/index/15/page:2
https://tkj.jp/goods/list?fmt=json&limit=20&o=20&q=202202sokkuri&sort=Number2%2Cnumber9&style=0&pn=3
text/phoebe
source/rakuten, jsplanningtkj.jp
============
同場加映：
【蝸居睇樓團】
日本認證收納師教你！山泥傾瀉衣櫃整理大法 常着衣物放腰位、揀啱膠櫃桶+懶人最好掛衫
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
