網友求意見:同係30年樓齡,買二手公屋好?定二手居屋好?

2022.07.14

近期樓價走勢輕微回落,好多有意上車置業人士都認真考慮係咪趁機入市。有住公屋嘅網民就喺連登討論區發帖,話經過睇樓,發現約30年樓齡嘅公屋大約二百多萬,同樓齡嘅二手居屋就大約三百幾萬,地產經紀就推介佢買舊公屋,而家正在為買二手公屋定二手居屋而苦惱,希望網民可以畀吓意見!大家點睇呢?

網友反應,幾乎一面倒唔支持樓主買二手公屋,認為屋宇的質素唔值得畀幾百萬去買:「公屋賣得出嚟,多數都霉霉爛爛……同埋,都畀得舊錢,點解仲住番公屋唔改善吓居住環境?!」、「二百零萬買公屋,你計下租公屋當你三千一個月,要租幾耐先二百萬?仲未計你買咗咩維修嘢都要自己錢,其他都唔在講」、「一定買居屋,唔好以為冇分別,居住環境同鄰居質素可以差好L遠,Ps兩種都住過,住居屋後唔會想住返公屋」。雖然有網民反駁:「公屋啲設備政府會幫你換,居屋自己出錢」,但有心水清網民回應:「租置公屋要夾錢」。

網民一面倒認為舊公屋樓齡高,本身質素已經唔值幾百萬,買咗之後仲要搞維修,十分唔划算。

公屋一個唔好彩,隔離換咗個痴線佬你就X街!
除咗間屋本身嘅質素,原來網民認為鄰居嘅質素無保證,都係唔好揀買二手公屋嘅原因:「買鄰居,舊公屋就蝗蟲白咭廢老一大堆,舊居屋就正常家庭同老嘢多,後生仔少」,有網民反駁:「有得賣嘅公屋根本好少白卡」,但立即引起其他網民質疑:「係咩?之前富亨同景林曱甴屋都係租置架喎!」網民好直接提醒樓主:「公屋一個唔好彩,隔離換咗個痴線佬你就X街!」,樓主回應:「一定會去搭下路先」。有網民好有心機咁列舉咗二手公屋嘅缺點:「1.公屋業權分散、2.因業權分散,維修時勁煩、3.公屋相對多窮人/比較雜,咩人都有、4.大維修或夾錢就中伏,好多老嘢無錢,點拆呢壇嘢、5.鄰居租1-2k,相反你2球幾買,鄰居笑你on9,心理問題。」

就算買二手居屋,網民都有啲溫馨提示:「公屋實後悔,居屋買二手只會買康山花園果類特別高質嘅」、「一X定居屋,唔洗問!不過一X定唔可以係Y3/Y4型果種居屋,因為係公屋轉過嚟,用料好差,未夠30年已經甩皮甩骨,唔少外牆嘅紙皮石已經嚴重剝落」。

網民話公屋住戶好多怪人,例如聞名嘅景林邨曱甴屋事件,萬一鄰居有呢類人,真係後患無窮。

網民亦認為租置公屋要住戶夾錢大維修,但公屋住戶好多老人家,未必肯夾,都有一定麻煩。

網民溫馨提示,如果買二手居屋,最好唔好揀Y3/Y4型居屋,因為係由公屋轉為居屋,用料比較差。

text/Joyce
photo/HKET圖片庫

============
同場加映:
【蝸居睇樓團】
沙田37年舊樓型格乾濕分離浴廁、客廳窗台巧變打卡位

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章