黃埔旺中帶靜好好住?但極污糟又舊? 網民熱討:住喺黃埔花園嘅利與弊

2022.07.25

被譽為香港「十大藍籌屋苑」之一嘅黃埔花園,係唔少上一代人置業安居嘅其中一個熱門選擇,而最近就有網民喺連登討論區上發帖,列出自己認為住喺黃埔花園嘅利與弊,結果就引起一眾網民熱烈加入討論,紛紛發表黃埔花園究竟有咩好有咩唔好!

黃埔交通好方便?鄰近海濱環境好舒服?

樓主就認為黃埔花園交通方便,更在最新東鐵綫過海段通車後,由紅磡站去金鐘只需7分鐘,而且生活配套完善,有齊食肆及民生設施,但缺點則為屋苑樓齡高以及衛生情況差,有好多曱甴同老鼠。有網民就對黃埔花園交通方便及配套完善表示認同:「講交通同飲食應該全港頭3,多老鼠因為多食肆姐」、「以前冇地鐵站,主要係搭小巴駁去紅磡火車站或搭巴士嘅。家陣就直接係黃埔站,方便好多。買餸要平可以叫工人行去紅磡街市買,要多選擇直接去Aeon,落街連遮都唔駛(使)拎就可以由商場去Aeon,食同買嘢算方便啦。」、「非常方便揸車2分鐘去尖沙咀,揸車新界過海都方便」、「地點太方便,有埋地鐵基本上15分鐘左右過到海,有渡輪,要搭火車又可以去紅磡站」、「要買野基本上大路野全部買到,娛樂有冒險樂園泳池保齡球唱k,全部野行5-10分鐘就到」

有網民就認為黃埔花園鄰近海濱,環境夠晒舒服:「方便,旺中帶靜,八球(八百萬)有五百尺,行20分鐘可以到尖東,跑步可以跑海旁,好舒服」、「寧靜既海濱,晚跑/拍拖行一流」、「黃埔花園最正係近海, 行一轉海濱落TST好舒服」、「旺中帶靜,好好住!」,另外有網民亦認為黃埔花園附近有多間唔錯嘅學校可選擇:「校網其實唔錯,我細個就分去何文田讀書,家陣個女要讀國際幼稚園附近都有。」

有網民認為黃埔花園不論於交通、飲食、購物及娛樂等方面都非常方便。

亦有網民認為黃埔花園因鄰近海濱,環境十分舒服兼且旺中帶靜。

衛生環境好差?管理好垃圾?

對於有唔少網民都認為住喺黃埔花園交通非常方便,但有網民就表示其實並不一定:「黃埔花園其實好大,如果住得近九號水產或者嘉里嗰邊,行去黃埔站其實好遠,而家仲要cut埋6號小巴,已經唔方便咗好多」、「去紅磡站都幾遠下喎」,亦網民表示黃埔嘅衛生情況惡劣:「黃埔衛生環境好差,停車場又污糟又窄」、「夜晚行過黃埔最旺哥(嗰)幾條街成日見到老鼠」、「可見衛生係ok嘅,條街都乾淨,但喉/渠呢類不可見嘅就唔掂,住黃埔花園百合苑,近船又近海,個時多螞蟻,堅嚴重,住海逸個時多曱甴」、「極污糟又舊,同埋人口開始老化,啲樓又保養得唔好,真係無budget先諗呢到」

另外有網民就覺得黃埔花園在樓型設計上及管理方面都有唔少嘅問題:「戇x鑽石廳,濕x管理,d(啲)平台周不時跌石屎露晒d(啲)鋼筋」、「樓齡舊得來跟住啲垃圾管理,啲鋼筋露晒出嚟都仲係冇意欲去搞番好,跟住啲鋪租貴得來搞到越執越多舖頭,成個黃埔好似死城咁」、「好多方位對住極嘈既馬路,平台太多閒雜人經過,又係好嘈,住低層真係好低層,唔似新樓既低層俾幾層商場平台浪起,黃埔低層好易俾街外人望到入黎」、「管理廢過屎,仲要勁多漏水,買樓小心中伏」、「咁嘅垃圾樓買黎等重建咩,90年代就話住黃埔姐」,有網民更以親身經驗表示屋苑管理質素非常差:「係租嘅時間,樓上裝修攪(搞)到厠所漏水。濕了電線,結果厠所同廚房沒電用。打去管理處找樓上業主,管理處電話長期唔通,要親身去。結果見個職員根本唔會聽電話,由得佢响(響)。真垃圾」,而有網民則認為鄰近嘅海濱南岸為更好選擇:「有得揀梗係揀半島海濱,過左一條街冇外人靜好多,過對面買野食野一樣咁方便,又係正路屋苑管理,廿年樓都四四正正,又有橋駁紅磡站」

有網民認為黃埔衛生環境差,隨街可見到不少曱甴及老鼠。

有網民則認為黃埔花園管理質素差以及亦因樓齡舊而有石屎剝落及鋼筋外露等問題發生。

text/Jonathan
photo/HKET圖片庫

=========
【蝸居睇樓團】348呎堅尼地城舊樓上車盤大翻新 7呎闊衣櫃無地台套房、玻璃間隔牆增空間感

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章