裝修真係一件大事，除咗花費時間同錢，最大鑊，係裝修完，仲有「意想不到」嘅手尾要跟！有網民喺連登討論區發帖求救，話屋企人裝修完2個月，樓下住客向管理處投訴話廁所天花有水漬，矛頭直指係家人裝修嘅後遺症！樓主就問呢個情況，究竟應該搵公正行，定係搵返裝修師傅？大家有乜嘢意見畀樓主呢？
網民首先問樓主：「首先你要知點為止（知）水漬？乾定濕？」，樓主回應：「濕，好慢咁滴」。於是網民好熱心，變身金田一，建議不同方法，令樓主搵出出事嘅原因：「熄出面來水掣一日，咪知係咪來水出事」、「唔沖涼幾日，睇吓仲有無水漬」、「樓下用試紙睇吓係咸水定食水，樓下漏嘅位置係你浴缸定咩？」、「留意返邊個位滴，沖涼位？定浴室其他位？但係有明顯水滴，初步估似係水喉漏」、「9成係你屋企水管出事，裝修係咪做暗喉？有無影低接駁位位置？樓下廁所邊個位出事就掘地3尺，換磚再鋪，再入裝修公司數」，
網民熱心推測漏水嘅原因，究竟係水喉定浴缸！
搵家居寶保險公司，如果樓下要你賠都唔少錢！
至於應該點跟進，網民咁樣建議：「找裝修公司，你覺得唔關你事就找公證行」，樓主回應：「應該關事，住左10年無事，裝修完就出事」，又有網民問樓主：「裝修通常有保養。單有冇寫？」，樓主回應有2年保養，網民就覺得要補救，工程都唔只係小修小補：「呢啲唔係保養咁簡單，係直程要重爆，造過防水」、「又唔一定百份百要重爆，舉個例，可能係地台去水漏，咁有機會唔洗全爆，可能換個斗就得？」、「除非你條去水喉穿過個slab，經過人地個單位嫁姐，否則地台去水有問題嘅情況下都仍然漏水，個防水層已經代表fail咗」，「防水做得唔好，通常全起重做，不過成本通常你負擔」、「找家居寶保險公司，樓下要你賠都唔少錢」。
網民關心樓主最後決定點做，樓主回應返：「裝修公司上嚟睇咗，去埋樓下。唔知佢地點check，會扑，免費幫樓下補返」，網民追問：「唔止咗水先，補完都冇用」、「佢都話要攪咗自己自（至）攪樓下」。
對於呢單嘢應該搵邊個跟進，有網民建議搵返裝修公司，但如果覺得唔關你事就搵公證行。
有網民覺得如果出現呢個情形，可能係裝修時個防水層做得唔好，可能要重新造過。
網民覺得樓下住戶可能要樓主賠償，樓主都應該搵吓保險公司。
text/Joyce
photo/HKET圖片庫
============
同場加映：
【蝸居睇樓團】
日本認證收納師教你！山泥傾瀉衣櫃整理大法 常着衣物放腰位、揀啱膠櫃桶+懶人最好掛衫
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
