今年嘅新居屋，預計第四季有得揀樓，基本上買家喺首五年都唔會出售單位，大部分抽居屋人士都係自住嘅用家，而居屋新單位都係清水樓，即係近乎完全無裝修，所以好多人都不惜花多少少錢去裝修成自己嘅dream house！不過房署對居屋嘅裝修，其實有一定規例，抽中居屋嘅朋友就要注意喇！
慎防空心磚同地台傾斜 記得先驗樓
居屋多數以「清水樓」狀態交貨，「清水樓」就係一間吉屋，地面牆身只有簡單批蕩，沒有防水，沒有飾面，所以並唔可以好似私樓咁，簡單裝修就可以買傢俬入住，因此居屋業主都要有心理準備，裝修工程要花費較長時間同金錢。
同時喺裝修工程開始前，最好先進行驗樓，因為根據過往經驗，有新居屋單位有批蕩鬆脫、空心牆/空心磚、地台傾斜、漏水等問題，如果裝修工程開始後，要補回建築瑕疵，極大機會需額外收費，工期進度亦會因此被耽誤。居屋收樓時，記緊小心檢查會保留的牆身地台，有無問題，以免損失。
新居屋單位以清水樓交貨，因此入住前需要徹底裝修。
由於以前發生過新居屋單位有批蕩鬆脫及空心牆等現象，大大影響裝修工程，最好要先驗樓。
公屋搬居屋 延期入住要交3倍租金
如果閣下係公屋住戶，透過綠置居及居者有其屋計劃買到居屋後，必須於收樓起計60日內，遷出現居公屋單位，但居屋裝修需時，未必可以趕於60日內完成，所以住戶最好準備申請延期交回公屋，以免轉接換樓時新屋裝修未完成，要另覓住處。申請時要留意：1.延期最多30日；2.延期期間要交3倍租金。
公屋住戶抽到居屋，必須於收樓起計60日內，遷出現居公屋單位，最好先申請延期30日。
廚房門、廁所門可拆 改開放式廚房要入則申請
居屋業主喺收樓時，會獲發一批文件，當中涉及裝修要注意嘅事項，包括裝修指引及安裝電器設備保證書等，裝修前需到管理處申請裝修工程，但若當中涉及以下情況，一定要留意：1.涉及結構性危險嘅裝置不可拆，例如主力牆及橫樑等；2.鋁窗不可更改，否則違反大廈公契；3.廚房工作台可拆；4.廚房門、廁所門可拆，但若果想由梗廚改成開放式廚房，需要拆門，就要向屋宇署入則，取得同意後先可做。
涉及結構性嘅部分，例如主力牆及橫樑等，絕對唔可以拆。
鋁窗不可更改，否則違反大廈公契。
若果想將梗廚改成開放式廚房，需要拆門，就要向屋宇署入則，取得同意後先可以做。
text/Joyce
photo/HKET圖片庫
============
同場加映：
【蝸居睇樓團】
日本認證收納師教你！山泥傾瀉衣櫃整理大法 常着衣物放腰位、揀啱膠櫃桶+懶人最好掛衫
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
