日本認證收納師教你!山泥傾瀉衣櫃整理大法 常着衣物放腰位、揀啱膠櫃桶、懶人最好掛衫

文: U Magazine
2022.07.19

每次打開衣櫃想搵件衫着吓,啲衫都好似山泥傾瀉咁冧晒落嚟,以為閂埋道門就眼不見為乾淨,終於扚起心肝想整理時,又唔知從何入手好?!如果你都有這個煩惱,唔使驚!因為今次搵到日本認證收納師Kaye教大家怎樣整理衣櫃嘅方法、揀個適合嘅膠櫃桶同埋傳授啱晒懶人嘅收納小貼士!

相信不少人的衣櫃,都會出現以下情況,就是衣物太多,以為將所有衫塞晒落衣櫃,閂到櫃門就okay!但當想搵件衫著,左搵右搵,堆疊的衣服就好似缺堤一樣,傾塌下來。唔想每次搵衫都要出盡九牛二虎之力?!收納師Kaye表示,只要利用一些收納工具及因應個人習慣重新分佈擺放衣物位置,就可以輕鬆解決這個執衣櫃煩惱。

日本認證收納師Kaye

衣櫃太深易現小衫山
一般衣櫃的隔間都是上層設置掛衣通,下層則裝上層板讓用家擺放抽屜。Kaye表示這類型的衣櫃,經常都會出現上層掛衣通部份,衣服會「塞埋一堆」形成多座小衫山,令取用衣物時很困難。另外,還有一個問題,因衣櫃闊度太深,用家好容易會將衣服分成前後排擺放,本來諗住善用空間,但一般習慣都只會穿着前排的衣服,導致後排的衣物難以拿取,久而久之就遺忘了後排的衣物。

一般衣櫃凌亂原因:
1. 沒有統一衣架尺寸及款式
2. 沒有善用掛衣通
3. 衣櫃太深易形成小衫山
4. 沒有好好分佈衣服擺放位置

善用收納工具 增加衣櫃空間
要整理凌亂的衣櫃,Kaye表示:「首先要因應個人的生活習慣及衣服的數量,去分佈衣服的擺放位置。」
如衣櫃上層掛衣通,應該擺放經常穿着及當季的衣服,如裇衫、長裙及外套等等,由左至右掛上衣通,並選用同款及尺寸的衣架,令視覺上更加整齊。
至於下層部份,建議選用不同尺寸的膠櫃桶,擺放不同衣物。如高度較低的櫃桶,可擺放內衣、襪及貼身衣物;較高則可擺放長褲及厚身衣服,同時可利用收納籃,將經常穿着的睡衣及睡褲,放在方便拿取的腰部位置。只要這樣做,衣櫃便不會再凌亂不堪。

將經常穿着的衣物,如睡衣及睡褲,用收納籃擺放好,放在腰部位置。

掛衣通的衣物,按穿着次數,順序由左至右掛上衣通,如裇衫、外套及冬天衣物等等。

可用直立式摺衫方式,除可善用膠櫃桶空間外,更會較容易揀選衣物。

選擇膠櫃桶小貼士:
內衣及襪
膠櫃高度:15cm至18cm 

T恤或牛仔褲
膠櫃高度: 20cm至24cm 

厚身衣物(冷衫及衛衣)
膠櫃高度: 30cm至35cm

黑色衣架
價錢:2.9港元 (10件)
售賣點:IKEA
白色收納籃
價錢:59.9港元(34x51x10 cm)、29.9港元(20x34x10 cm)
售賣點:IKEA

PP單層抽屜儲物箱
價錢:120港元(18x40x30.5 cm)、75港元(18x40x21 cm)、65港元(18x40x11 cm)
售賣點:無印良品

【info】
Facebook:More Than Tidy Up 香港上門整理收納服務 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓