又舊又臭?港島版深水埗? 北角炮台山性價比係全港最差?

文: U Magazine
2022.07.26

香港邊一區好住唔好住係網民們經常爭論嘅話題,而最近就有網民喺連登討論區上發帖,表示北角同炮台山係全香港性價比包尾嘅地區,並認為呢兩個地方樓價高昂但質素參差,結果引起一眾網民熱烈討論北角同炮台山呢兩個地區究竟係咪咁差!

北角炮台山好多老人家?勁污糟又冇嘢食?

樓主表示北角同炮台山呢兩個地方樓價有著港島樓嘅價錢,但只有深水埗或者觀塘嘅質素,並大數呢兩個地區嘅五大缺點,包括有著超高密度全屏風樓、商鋪無特色、食肆平均質素低、街道狹窄以及交通擠塞空氣極差等等,所以就認為北角同炮台山嘅性價比全港包尾,有網民就對樓主嘅睇法表示認同,認為北角同炮台山嘅缺點多多兼人口老化問題嚴重:「廢老區又雜,傻x先買」、「北角又舊又臭,成條街好多老人家,同深水埗一樣」、「北角最差,多食肆街市,勁嘈又污糟」、「條英皇道行親都又焗又熱又多廢氣勁污糟,真係咪x搞」,亦有網民認為感覺好似去咗中國內地一樣:「好多廢老大陸人,條街好污糟冷氣機又滴曬水咁」,「好似去咗大陸咁,清一色普通話、鄉下話」

有網民就認為北角只有多嘢食同有地鐵站呢兩個好處:「其實我由中學個陣就懷疑點解啲人咁中意住北角,除左個站方便,同埋叫多野食,根本無可取之處」,但有網民就隨即反駁北角多嘢食呢個說法:「邊xx到多嘢食,一到夜晚9點想搵嘢食真係食屎,成個北角得返忠記食粥、渣華道間垃圾串燒、富怡粉麵、M記、兩間糖水舖,無喇」,另外有網民就以「海璇」為例指出北角樓價高兼環境差:「海旋(璇)40-60k(4萬至6萬)(一)尺(呎),個海臭到x街,附近街市烏(污)糟到嘔,又多廣東話都唔識(嘅)廢老」、「海旋(璇)個價都買到貝沙灣同九龍上蓋,望住觀塘同highway憑咩賣咁貴,靚樓(但)垃圾地段」

有網民認為北角及炮台山有著人口老化、大陸人多、污糟及空氣差等問題。

有網民以「海璇」為例,指出北角地段差但樓價高昂,更有著「臭海」及街道污糟等環境問題。

北角炮台山交通超方便?柴灣小西灣仲差?

意見亦並非一面倒,有不少網民亦有為北角及炮台山講好說話,認為呢兩個地區交通方便兼旺中帶靜:「住過北角,近公園港運城果(嗰)邊算係靜中帶旺,又方便,落太古/cwb(銅鑼灣)又快,交通配套成熟,又可以搭船過海,起埋北角滙又多個地方行同睇戲」、「炮台山係正中間,算比較好,又比較靜,方便,近天后大坑,又多野食」、「北角、炮台山交通方便到瀨屎,勁多巴士,有丁丁(叮叮),地鐵站又近,社區發展成熟,商場、街市、娛樂乜都齊,過銅鑼灣、灣仔10分鐘」、「北角炮台山應該係港島性價比最高,樓主應該未住過,成個港島正中間,出旺角同九龍灣兩個方向五個字就到,和富同城市花園仲貴過太古城」

另外有部份網民就認為港島區中有其他地方比北角同炮台山更差:「如果呢兩個都包尾,你叫上環柴灣小西灣個啲叫咩」、「北角炮台山都包尾,咁上環堅尼地城嗰啲點算,又貴又舊,通街都係老人家,成條街度至(少)50年以上嘅樓,仲有啲質素參差嘅細舖頭,要乜冇乜」、「南區香港仔個啲先垃圾,無(地)鐵,隧道長期塞車,無咩野食,成堆屋邨,私樓都偏舊,學校又差,除咗海洋公園再入個啲,完全唔明點解有人會住」,不過亦有網民就表示唔認同,認為柴灣、小西灣及中西區等地都好住:「柴灣小西灣嗰啲有咩唔好,鍾意靜好似都唔錯,又無咁多車」、「小西灣唔差喎,無咁多人同密集先,出市中心都方便,係衰無地鐵」、「港島西人表示好好住,小店多,冇乜閒人,近中上環但又帶靜,灣仔北角狗都唔x」、「港島中西區其實住嚟講係好少人,中環6點後基本上啲人(少)左九成,同埋中西區係有種chill既感覺」

有網民就覺得北角及炮台山有齊交通便利、生活配套完善及靜中帶旺等好處。

有網民則認為柴灣、小西灣、南區以及中西區等地更差,但亦有網民認為該數個地區環境寧靜,宜於居住。

text/Jonathan
photo/HKET圖片庫

============

同場加映:

【蝸居睇樓團】348呎堅尼地城舊樓上車盤大翻新 7呎闊衣櫃無地台套房、玻璃間隔牆增空間感

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用🎁】RMK全新底妝系列!↓

↓全新原生光感隔離霜 x 零瑕絲絹粉底液↓

↓全新原生光感隔離霜 x 零瑕絲絹粉底液↓

↓【免費送🎁】DPM點對點®床褥!!!↓

↓ 仲會幫您度身訂造出最適合的床褥 ↓

↓ 仲會幫您度身訂造出最適合的床褥 ↓