Daiso一向都推出唔少居家好用之物，為大家嘅生活創造便利，今次小編就精選咗幾樣廚房收納及居家小物畀大家，而每蚊都係100yen左右，即係大約6蚊港幣啊，抵買又實用，精打細算嘅你一定唔可以錯過！
黏貼式滾輪 100日圓（約6港元）
相信唔少人嘅屋企都會有儲物箱收納大小物品，但唔係每個箱都帶有滾輪，有啲箱放多咗嘢都幾重，平時要拉出來再打開取物都會有點吃力。
呢個時候就可以用Daiso嘅黏貼式滾輪，佢可以平穩地貼喺箱子嘅底部，令拉動時更加易輕鬆；加上滾輪體積很小，黏貼後都可以保持低位，即使放喺高度有限嘅地方，例如床下或架子上都好方便。（資料來源：roomie.jp）
固定用矽膠帶 100日圓（約6港元）
夏日炎炎帶定雨傘同風扇仔出街都成為日常，一手擔遮擋太陽，一手拎小風扇，已經冇空餘嘅手可以做其他嘢。
如果你都有呢個問題就可以用固定用矽膠帶，將風扇綁喺雨傘上面，咁就唔怕麻煩啦～而有踩開單車嘅你都可以將電筒或風扇呢類小型物品綁喺扶手上，咁就方便得多啦！（資料來源：rakuten.co.jp）
如果你都有呢個問題就可以用固定用矽膠帶，將風扇綁喺雨傘上面，咁就唔怕麻煩啦～而有踩開單車嘅你都可以將電筒或風扇呢類小型物品綁喺扶手上，咁就方便得多啦！（資料來源：rakuten.co.jp）
有蓋封口夾 110日圓（約7港元）
小編就好鍾意早餐食麥片加啲粟米片之類，但係屋企又冇大型嘅密實盒放好呢類穀物食品，每次都搵隻夾夾住先，但因為唔係密實，啲粟米片好快就會淋咗，而家有呢隻有蓋封口夾就啱哂我啦，簡直係懶人恩物啊！（資料來源：rakuten.co.jp）
醬料收納器 100日圓（約6港元）
雪櫃門經常都放滿各樣食品、飲料等，就嚟連放枝沙律醬嘅位置都冇啊！要善用雪櫃裡嘅所有空間，呢個Daiso嘅醬料收納器就可以幫到你啦～只要將沙律醬、蕃茄醬倒轉放喺收納器到，就算幾迫都擠到啲位出嚟啦～（資料來源：Daiso.jp）
迷你砧板 100日圓（約6港元）
平時切蔥或者生果都唔需要用到大大塊嘅砧板，呢個時候就啱哂用呢塊細細地嘅砧板啦～迷你尺寸加上附帶勾孔，方便掛喺S型掛勾上，唔佔位又容易晾乾。（資料來源：Daiso.jp）
掛勾鞋架 100日圓（約6港元）
大家有冇試過清潔完對鞋或者係落雨著到對鞋濕濕地之後唔知放邊度好呢？掛勾鞋架就可以解決呢個煩惱啦！鞋底唔會整污糟地下之餘，又可以擺喺通風嘅地方等佢快啲乾～（資料來源：Daiso.jp）
Info
Daiso Japan
官網：https://jp.daisonet.com/
text/Phoebe
source/Daiso.jp
=========
【蝸居睇樓團】348呎堅尼地城舊樓上車盤大翻新 7呎闊衣櫃無地台套房、玻璃間隔牆增空間感
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
