最後禮物|黃子華、潘燦良40場舞台劇開鑼 子華坦言演到虛脫自爆試過綵排完攰到瞓路邊

2022.07.23

由黃子華、潘燦良主演的舞台劇《最後禮物》昨晚(22日)於演藝學院展開一連四40場演出,吸引不少圈中人支持,黃子華獲多位好友大讚「神級」 演出,不過他稱每次演出都累不堪言,更試過綵排完回家途中攰到瞓路邊。

舞台劇《最後禮物》昨晚(22日)於演藝學院首演,楊受成夫婦、劉嘉玲、林嘉欣、佘詩曼、蘇絲黃、金燕玲 、蘇永康、蔡一智 、徐濠縈、陳國邦、許靖韻等等均有到場支持 。

黃子華和潘燦良在劇中飾演一對兄弟,當中有大量氣氛緊張的對手戲,演出過後,台前幕後一同上台謝幕,全場觀眾報以熱烈歡呼及掌聲支持,主辦單位英皇娛樂主席楊受成博士台上表示這個劇本來一月舉行,但因為疫情延遲六個月,他感謝各位台前幕後工作人員及所有觀眾,又指這次幾乎係零退票。

潘燦良說 : 「 劇場需要觀眾,當延期時,我身邊朋友冇一個退飛,個個都同我講,死都揸住飛,等到我哋演出個日。今日終於見到大家,真心好多謝各位同我哋一齊堅持嘅觀眾。 我就識識哋演戲,但唔識講嘢,不如留番俾一個好識講嘢人講,請子華!」
子華笑言:「識講嘢唔重要,最重要係識做人。所以我首先多謝楊受成先生先,各位真係唔係講笑,呢個騷停左六個月,期間舞台界有好多騷停咗,一停就冇咗,好陰功。要好有實力的人,先至可以六個月後安排做返咁多場。所以我代表成個團隊講一句,真係好多謝楊生。呢個戲,我同燦哥排第一二日,佢已經同我講,呢個戲好勞氣 ,真係,呢個戲係一啲都唔容易,健康差啲都做唔到。」
黃子華演出過後,於後台跟少量來支持好友會面,個個都大讚佢係「神」演出,他謙稱:「神,係呀,我當自己係「神神」(神經個神) 哋架啦!(咁你覺得自己幾多分?)一定重有好多進步空間,舞台係日日唔同分數,同拍電影唔同 ,舞台係日日唔一樣,觀眾互動,對手互動,自己狀態,個日血壓呀咁,都有影響,係一個好刺激一個活動。」
子華又說每次演完返入後台都好似虛脫一樣:「我試過綵排後開車回家,綵排地方同我屋企不過矩離只需十分鐘車程,但我開咗五分鐘車之後,係攰到係一條最繁忙街道上面,同自己講 : 『算啦,掉低架車訓係路邊瞓算!我頂唔到啦!』後來真係要泊停架車,休息一陣先再開返回家。」

問到子華要演出40場如何保養身體?「莊梅岩教我,每日只做一件事,只係做戲。我打算每晚八點開場,完場十一點幾番屋企,十二點訓到第日早上七點九囉!咁應該夠休息。然後咪返來開工。」
潘燦良騷後表示,好開心終於等到今日一齊見觀眾,雖然疫情令劇場剎停,但相隔半年大家沉澱了,又有新體會和深化角色,又說到每次演出完都相當攰,但有老婆蘇玉華貼心地搬定張按摩椅出廳,讓他一返到屋企就可以舒緩一下,他又指同一個咁好團隊合作再攰都開心。

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派現金券/禮品↓

↓記得逢星期三3PM入App搶!↓

記得逢星期三3PM入App搶!

評語

相關文章