人有三急，附近搵唔到廁所確實頭痕！近日有個免費搵廁所 App 幫到你，覆蓋全港超過 8,000 間洗手間及育嬰室資料，更提供預覽設施及導航服務，完「大事」後記得做「評廁員」留搞鬼評價！
全新應用程式《廁寶 Toilet Buddy》 於 6 月正式上架，覆蓋全港超過 8,000 間廁所資料，包括暢通易達洗手間及育嬰室，方便香港人輕鬆搵到五星廁所，避免中伏去了衛生環境較差的洗手間。
用法超簡單，按用戶實時位置，篩選顯示最近的洗手間，點選「出發」即時為你導航。App 內會清楚列明地點及距離，更可以預覽廁所環境及設備，連廁所有沒有香氣、音樂等都有列出，超詳細！
想搵埋附近有化妝枱、有換片板又或者嬰兒座椅的廁所亦無問題，只要用「進階搜尋」功能，揀好地區、場所類型、設備，撳「儲存」掣，全部都會顯示曬在地圖上！
程式方便香港人搵廁所之餘，亦鼓勵大家在平台分享使用體驗及評價，希望各公眾廁所的環境質素日後有機會提升！
你都可以加入做「評廁員」，給正負評亦可，部分留言好搞笑！
這個程式設計出 4 個代言公仔，包括廁郎、廁子、廁健及廁 B，各自負責搜集不同廁所資料，例如鍾意扮靚的廁子會找出香噴噴、有化妝台的洗手間，可愛廁 B 會試用育嬰室入面所有設備然後向大家匯報等等，全港九新界同離島廁所都唔放過！
text/zuki
photo/廁寶 Toilet Buddy、經濟日報圖片庫
============
同場加映：
【蝸居睇樓團】348呎堅尼地城舊樓上車盤大翻新 7呎闊衣櫃無地台套房、玻璃間隔牆增空間感
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
