人口普查指港人供樓負擔愈嚟愈重 平均月供$13,500 5年勁升3成

2022.08.01

買樓係好多香港人嘅夢想同努力工作嘅目標,不過即使儲夠首期可以上車,其實日後嘅幾十年供樓生涯,先係最大嘅考驗!根據統計處2021年人口普查結果顯示,需要供樓嘅私樓家庭住戶中,每個月嘅按揭供款及借貸還款中位數,原來達13,500元,較5年前勁升近3成!反映香港人嘅供樓負擔真係愈嚟愈大!但究竟邊一區供樓人士嘅負擔係最重嘅呢?

根據政府統計處2021年人口普查資料,全港居於有做按揭同貸款(包括一按、二按、房屋貸款等)自置私樓嘅家庭住戶中,供款及還款款額中位數達13,500元,2016年時為10,500元,升幅達28.5%,尚餘供款期由17升至20年,而按揭及借貸款額佔收入比率則由16年時嘅19%升至21.1%,輕微上升2.1%,即係代表供樓吃力咗!

根據人口普查結果,2021年私樓嘅供款及還款款額中位數達13,500元,比2016年升幅近3成!

深水埗區家庭供樓最吃力
如果再睇18個分區嘅家庭供樓狀況,家庭每月按揭供款及借貸還款中位數全港最高嘅區,就係灣仔區,達2萬元!其次為中西區嘅18,000元,按揭供款及借貸還款與收入比率中位數分別為21.4%及21.3%,真係全港供樓負擔最高嘅地區。九龍區情況稍好,不過最高嘅九龍城都達15,000元,其次係油尖旺區嘅13,500元,而排第三嘅深水埗,雖然每月供款「只係」12,500元,但佔按揭供款及借貸還款與收入比率卻係全港最高,佔23.6%,即係深水埗區嘅家庭,供樓最吃力!

相比市區,新界區嘅供樓負擔,比起市區,的確相對較低,家庭每月按揭供款及借貸還款中位數最低嘅就係北區嘅9,000元,排第二嘅屯門(9,570元)同排第三嘅葵青區(10,500元),呢三個區嘅按揭供款及借貸還款與收入比率中位數,分別係18.7%、19.6%及19.8%。

全港家庭每月按揭供款及借貸還款中位數最高嘅區,就係灣仔區,高達2萬元!

深水埗區家庭雖然每月供款「只係」12,500元,但佔按揭供款及借貸還款與收入比率卻係全港最高,佔23.6%,即深水埗區嘅家庭,供樓最吃力。

新界區嘅供樓負擔較市區低,北區、屯門及葵青區係供款額最低嘅三個區。

text/Joyce
photo/HKET圖片庫

============
同場加映:
【蝸居睇樓團】青衣800呎3人1犬之家 海量魚竿收藏室、BTS粉絲Dream Room


用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【U Lifestyle App聖誕周年慶】DayDay送大禮!↓

↓勁送機票/電話/遊戲機等巨獎!↓

↓勁送機票/電話/遊戲機等巨獎!↓

↓【聖誕送禮】送Soul Emotion Pro / Emotion Max耳機!↓

↓立即參加贏走!↓

↓立即參加贏走!↓

評語

相關文章