早前房屋署公布，截至今年3月底，一般公屋申請者嘅平均輪候時間為6.1年，如果想快啲上到樓，可以透過「特快公屋編配計劃」，合資格嘅申請人就可以獲得提早入住公屋單位，以及購買綠置居貨尾單位嘅機會。而家，機會嚟喇！房屋署嘅年度「特快公屋編配計劃2022」即日起接受申請，當中更包括「綠置居2019」嘅青衣青富苑和柴灣蝶翠苑貨尾單位，合資格申請人士要立刻行動喇！
今次「特快公屋編配計劃2022」提供約2,000伙單位，最快9月可揀樓。不過呢個計劃可供選擇嘅單位，部份單位或曾經發生不愉快事件，如命案及自殺事件等，或者座向差，甚至被評為凶宅，申請人宜先做好功課先申請。
特快公屋編配計劃嘅單位，有可能係座向較差，甚至曾發生如自殺等事件，準備申請嘅話要有心理準備。
青衣青富苑、柴灣蝶翠苑188單位供選擇
至於「出售青富苑及蝶翠苑未售出綠表置居計劃單位」部分，係首次喺特快公屋編配計劃下同時推售資助房屋單位，呢兩個屋苑同屬「綠置居2019」計劃嘅推售屋苑，直至現在仍有分別約180和8個貨尾單位，當中青衣青富苑主要剩下180多平方呎至280多平方呎嘅細單位，但據知尚有少量面積達459平方呎嘅單位撻訂，雖然暫定推出合共188個單位，但由於未計算後期嘅撻訂單位，預料整體推售嘅單位數目會較現時公布的多，揀樓日期仍有待公布。
柴灣蝶翠苑乃「綠置居2019」其中一個屋苑，屬單幢式，總共提供828個單位，實用面積為187至320平方呎，係港島區首個綠置居屋苑。
蝶翠苑鄰近柴灣泳池，附近生活配套設施完善，惟離港鐵站稍遠。
青衣青富苑由2座樓高40層嘅大廈組成，合共2868個單位，實用面積由187至471平方呎。
輪候公屋超過一年半者合資格申請
今次「特快公屋編配計劃2022」及「出售青富苑及蝶翠苑未售出綠表置居計劃單位」的申請人，必須符合以下條件：
1.申請者須持有有效的公屋申請，其登記日期或相應登記日期在2021年3月31日或之前（即公屋申請編號在 G1460461-1／U0484912-0或之前）
2.至少一半家庭成員在香港居住滿七年及持有有效的編配機會的公屋申請者
費用：凡申請購買青富苑及蝶翠苑未售出綠置居單位的申請者須繳交一次過及不會退還的申請費250港元
備註：
1.申請人可一併申請特快公屋編配和購買綠置居貨尾單位，但若於其中一個計劃已揀選單位，則須即時放棄另一個計劃
2.曾受惠於資助自置居所計劃的業主及其配偶不可再度申請青富苑及蝶翠苑未售出綠置居單位
申請日期：即日至8月8日
申請人須持有效嘅公屋申請，登記日期或相應登記日期在2021年3月31日或之前。
【INFO】
特快公屋編配計劃
網址：https://www.housingauthority.gov.hk/tc/flat-application/express-flat-allocation-scheme/index.html
text/Joyce
photo/HKET圖片庫
============
同場加映：
【蝸居睇樓團】青衣800呎3人1犬之家 海量魚竿收藏室、BTS粉絲Dream Room
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
《社群狂歡大激賞》！送hellolulu最新系列袋款🎁！
