DIY自製家居裝飾品 日系田園風鏡子、純白編籐墊子 全部$20有找!

2022.08.08

新屋入伙唔想用太多錢買無謂裝飾品又或者住耐咗想轉吓風格嘅話不妨試吓自己DIY啦!原來只要上網買定材料就可以用幾十蚊整到出面賣緊成倍價錢嘅家居裝飾,慳錢又kill time!今次就教大家整日系田園風鏡子、簡約掛吊式花樽以及法式編藤墊子,材料費全部唔超過廿蚊,齋睇樣都夠晒扮嘢啊!

1. 日系田園風鏡子(難度:2 粒星、時間:約 30 分鐘、價錢:約 $20)

所需材料:麻繩、鏡片 熱熔膠槍、膠條、剪刀/界刂刀


Step 1:以麻繩圍繞鏡子 2-3 圈,將麻繩頂端貼在鏡子底板上,收尾時將尾端收入背面。

Step 2:將麻繩剪成長短兩款,長度及條數按鏡子直徑而定,建議先各剪一條度位。

Step 3:先貼短繩,記得要交叉地貼,繩之間預留少許空位。

Step 4:再貼長繩,長繩要交叉貼在短繩圈之間,最後補貼鬆脫位。

大功告成!可在背後黐上掛鈎掛在牆上或架上!

2. 簡約掛吊式花瓶(難度:2 粒星、時間:約 5 分鐘、價錢:約 $10)

所需材料:玻璃樽 (樽口必須要有坑位)、麻繩/棉繩

Step 1:先將繩子擺成三角形,三角形頂端打結,建議預長一點之後再剪亦可。

Step 2:底線拉起整圈,圓圈與玻璃樽大小相約,將玻璃樽放在圓圈交叉處。

Step 3:頂端穿過圓圈反出來,拉出來時預留多一點空位。

Step 4:勾起兩邊穿過左右外圈向上拉,收緊繩索以套實整個樽身。

大功告成!掛在窗邊氛圍感大增!

 

3. 法式編藤杯墊 (難度:3 粒星、時間:約 30 分鐘、價錢:約 $10、特別需要:耐性)

所需材料:麻繩/棉繩 (硬身繩會較好)、熱熔膠槍、膠條、膠紙、剪刀/界刂


Step 1:預備 4 條長度相約的繩,愈長成品愈大,頭尾兩端用膠紙封口以防開叉。

Step 2:先用膠紙固定兩點,記得要不斷順返啲繩。

Step 3:按畫面穿孔 4 次,整成麵包圈形狀跟住畫面成形,每次繞圈可按實繩。

Step 4:成形後慢慢向內收緊,需要極大耐性,記住繩與繩不能重疊,拉緊、調整!

Step 5:反過來收尾,按畫面穿孔,拉緊、調整、耐性。最後一次穿過後黐實兩邊,黐好後剪掉多餘的繩,另一邊重覆同樣步驟。

大功告成!可用 2 種顏色配搭!

多種用途!

INFO

1.日系田園風鏡子

15cm直徑鏡子(約 $3 港元)

木底座(約 $1.5 港元)

10米麻繩(約 $ 25 港元)
 

2. 簡約掛吊式花瓶

玻璃樽(約 $4 港元)

5米棉繩(約 5 港元)
 

3. 法式編藤墊子

10米棉繩(約 8 港元)
 

另外熱熔膠槍連30根膠條約 $ 25 港元,材料全購自淘寶。


text/
Yuen
photo/KenJay 

============

同場加映:

【蝸居睇樓團】上門睇風水!龍師傅解答風水屋謬誤 背山望海唔一定好、大門對窗唔一定漏財?

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章