近10年好多新樓都有個露台或所謂工作平台，但好多人都唔鍾意，好大原因係因為唔實用但又計埋入實用面積入面！有網民就喺連登討論區發帖：「發覺屋台巴打唔鍾意露台」，因為樓主覺得露台其實好有用：「但我覺得有得曬衫好重要，又可以種下嘢，有時屋企焗太耐懶落樓又可以行出去吹吹風，唔明點解唔鐘意」，大家點睇呢？
露台唔畀住客晾衫？！
一講到可以用露台嚟曬衫，心水清嘅網民即刻回應：「好多都唔X俾曬衫」、「因為計入實用面積 現兜兜2萬蚊呎買番黎，有啲仲要唔比曬衫 」，咁究竟係邊啲屋苑有「唔畀住客喺露台曬衫」嘅規矩呢？「賣過新聞，無記錯係天宇海」、「荃灣映日灣，公契唔俾」。
樓主認為露台其中一大功能，就係曬衫。
但有網民翻查資料，發現馬鞍山天宇海根據公契，管理處係唔畀住客喺露台晾衫。
露台方便跳樓 容易變兇宅？！
網民接力數出露台嘅缺點：「露台個去水勁X易塞」、「豆潤咁細有咩用？同隔離露台又近，如果可以用啲帆布封住個露台擺少少雜物，都叫有啲用」，「露台又大塵又有昆蟲，晾衫都無係出面，個露台唔知要黎做乜」、「有露台會多蚊蟲，個位日曬雨淋，可以放到啲咩？屋內都話可以用嚟放下傢俬雜物」，對於多蚊蟲，有網民回應：「蚊網趟門其實好平」，至於個露台咁細可以放乜嘢，樓主就話：「總有d污糟野唔想放入屋？例如單車？」，點知網民就話：「會玩單車係無可能比架單車放出去日曬雨淋！」、「平車就鎖係街，貴啲嘅都唔想佢俾雨淋」，仲有網民好mean咁講：「通常呢啲人間屋仲污糟！」
但更加嚇你一跳嘅睇法，係將露台同跳樓拉上關係：「真，窗台好過露台啦！露台比人跳樓變兇宅就方便」，「有露台嘅樓係特別多空中飛人！太易跳了！有咩諗唔開，推開門就跳得」，
網民力數露台大量缺點，由面積太細根本放唔到嘢，到多蚊蟲都有。
樓主認為可以將單車放喺露台，但網民就話唔會畀架單車日曬雨淋。
最嚇人嘅睇法，係露台方便跳樓，容易有自殺事件！
香港啲樓咁細，個露台仲要計錢，咪唔鍾意囉！
不過最重要，都係同錢有關：「露台大咪有用，如果好似香港普通啲樓咁細重要計錢咪唔鐘意。即係等於依家窗台咁，當年計錢無人會鐘意。依家唔計錢咪大大個都無所謂。所以鍾唔鍾意大前題係佢計唔計錢」、「個露台話就話22呎，但要就埋度門推開出去，實際用到呎數嘅得返一半，姐係11呎！但計返條數，當2萬蚊呎，姐係44萬，買11呎可用露台空間，俾發展商呃到盡」，但網民有更心水清嘅回應：「你確定有11尺？！露台邊啲欄杆都計入果22尺，如果你個露台係推門，可用露台空間應該10尺都冇」。
香港住宅嘅露台，的確好細，如果樓價係二萬蚊一呎，隨時一個露台嘅呎價已經係四十幾萬。
text/joyce
photo/HKET圖片庫
============
同場加映：
【蝸居睇樓團】青衣800呎3人1犬之家 海量魚竿收藏室、BTS粉絲Dream Room
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
