日本無印8大廚房好用家品 廚房必買!矽膠廚具、最強收納

2022.08.15

日本無印嘅出品一向實用性高,今次精選咗8件廚房實用家品,可以令到日常生活、收納變得更方便。大部分香港MUJI都會搵到,等我一一介紹畀大家,令大家嘅廚房都變得更整齊,盡用每一吋空間啦!

MUJI嘅矽膠廚具一向受歡迎,由矽膠製成嘅廚具不滑手、不會損壞鍋具、煎 Pan等 ,係廚房100%的好幫手。

矽膠果醬用匙 390日圓 (約22港元)
呢個矽膠匙羹外型經特別設計,可以貼合果醬罐或醬料罐嘅樽身,舀醬都得心應手啲!矽膠軟身材質,亦可以直接當成掃,塗抹醬料於食物上。

矽膠刮刀 290日圓 (約17港元)
煮嘢食時成日唔小心搞到黏鑊底,要用盡九牛二虎之力先勉強洗得乾淨,最慘係有可能會刮花心儀嘅煮鍋。呢把刮刀,可以幫忙在洗鍋具時輕易刮走污跡,仲節省洗潔精和水。


PP儲物箱活輪 1,100日圓/4個 (約63港元)
呢個沽輪絕對係MUJI界嘅萬能Key ,因為佢可以配落好多唔同size嘅 MUJI PP儲物箱,令收納更方便。睇下以下嘅示範啦!


PP垃圾桶(30L)1,290日圓 (約74港元)
MUJI呢款垃圾桶比較窄身,可放置在狹窄嘅空間,係廚房慳位之選。

另可選購橫向或豎向PP膠蓋,又可以揀掀蓋嘅方向。PP膠蓋可以完全隔絕難聞嘅氣味、用耐咗亦唔需要擔心變色,仲可以配埋滑輪,推拉都方便省力啲!
內有不銹鋼夾可以穏固夾實垃圾膠袋。

PE儲物盒 590日圓(約34港元)
MUJI提供唔同形狀嘅儲物盒,令收納擺放變得更井井有條。加上蓋子亦可以堆疊起,具備耐冷及防水功能,可以用於雪櫃內。

PP 收納盒 150日圓(約9港元)
想餐具、廚具好好分隔開,使用唔同形狀收納盒就可以用盡晒櫃桶嘅空間,同時可以有系統咁擺放不同餐具。

不銹鋼扁筲箕 1,790日圓(約102港元)
呢個筲箕嘅特點在於非常扁身,只有3cm厚。不只唔佔空間,筲箕孔洞十分細密,有好好嘅隔水功能。例如,可以完美咁分隔麵同湯或者湯同湯料。

聚氨酯三層潔淨海綿 299日圓/3件 (約18港元)
海綿有三層,使用咗兩種聚氨酯層,加上紡布層,可以令氣泡更快更多,而去水排水都更易,成個洗碗程序就更簡便。利用聚氨酯逐漸變色嘅特性,可以觀察出幾時需更換海綿,確保海綿清潔。


【INFO】
購買點:MUJI Hong Kong、MUJI Japan 

text/serena
source/MUJI.jp@official
============
同場加映:
【蝸居睇樓團】鑽石山23年4房居屋型格翻新!深木色配花磚搶眼玄關+愛心玻璃觀鳥房

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派現金券/禮品↓

↓記得逢星期三3PM入App搶!↓

記得逢星期三3PM入App搶!

評語

相關文章