網民熱議:究竟買市區補地價居屋好?定買將軍澳私樓好?

2022.08.22

近期樓價呈跌勢,據說有二手補地價居屋,更劈價達100萬!唔少想上車嘅人都心郁郁入市,有網民喺連登討論區發帖,話正計劃買樓,但埋怨「另一半死都話要買市區補地價居屋唔買tko(將軍澳),成日話同價錢多一間房交通又好,但係完全無升值潛力,又舊無會所,究竟可以點樣令佢明白」,但網民又似乎唔係咁同意樓主嘅睇法……究竟你會支持買市區補地價居屋?定係買將軍澳私樓呢?

而家仲諗升值潛力?!
網民似乎唔太支持樓主,仲話樓主:「唔明白嗰個係你」!講到樓主關心嘅升值問題,網民直言:「全香港都冇升值潛力啦!求其啦!」、「自住定純投資先?如果自住而又又近生活圈子嘅話,佢value每日嘅生活大過升值潛力都好合理」、「仲想升幾多?(笑)」、「TKO呢幾年冇乜點升,得康城仲有投資潛力」、「樓主on9,重邊會升,會所就好睇唔好用,會所唔係日日用,但車就日日塞」、「日日冧緊仲想升?!嫁著你真係慘!」。

近期樓價呈跌勢,唔少網民認為單位升值潛力唔再係首選考慮因素。

亦有網民覺得新屋苑嘅住客會所唔係成日用,反而應該考慮交通問題。

買居屋可以多間房,生活完全唔同晒!
有好多網民覺得,間屋可以多一間房,重要過升值潛力:「買居屋好住喎!夠晒大!」、「自己住升咩值?!要會所即係你想要威,唔係要生活,少一間房即係唔想生仔」、「多一間房啊!!醒下啦!」,但樓主回應:「我2房ok架啦!另一半話要買3房居屋,我暫時未想生bb!」,但網民力勸樓主:「多一間房,生活完全唔同晒!」。不過有網民就表示唔係支持樓主買二手居屋,而係買樓唔好揀將軍澳:「生不入堆田區,死不入水泥廠」、「平時連登仔一般會踩到居屋一文不值嘅,但同TKO比就唔同講法」。

若單位係用嚟自住,網民認為買二手居屋嘅話可以多間房,其實比較實際。

有網民表示唔係支持樓主揀市區二手居屋,不過若果係買將軍澳區嘅樓,就要三思。

邊個出大份錢,咪邊個話事囉!
當然亦有網民支持樓主,唔好買補地價居屋:「橋(樓)主我撐你!買到新樓緊係買新樓啦!又唔係開放式,兩房好好呀!至於居屋, 買一手都還好,買二手好on9」、「老老實實,真係唔會買補地價居屋」、「舊樓唔係問題,個筆直去到三房補地價嘅,就咪揀居屋啦!揀返啲正路既兩房私樓仲好」。不過既然兩個選擇都各有「道理」,亦有網民提出咁樣揀:「邊個比大份錢咪邊個話事!樓主係咪出得雞碎咁多又要住新樓有會所,多多要求?」,亦有更具「創意」嘅提議:「買tko租市區居屋?」

其實二手居屋同將軍澳私樓各有優點,有網民大膽提議可以買將軍澳樓,租市區居屋。

text/Joyce
photo/HKET圖片庫

============
同場加映:
【蝸居睇樓團】元朗520呎市中心樓!
變私人打卡cafe 展示旅遊手信+清新木系庭園風

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓「App限時搶」大派現金券/禮品↓

↓記得逢星期三3PM入App搶!↓

記得逢星期三3PM入App搶!

評語

相關文章