網民熱議:住西貢係咪真係咁正?!但有一項配套 負評爆錶!

2022.08.26

好多人都覺得住西貢,係件好chill嘅事:無乜高樓大廈同汽車廢氣噪音,空氣好,無論行山定出海都方便,直頭有種好似置身外國嘅感受……有網民就喺連登討論區發文,同網民討論吓「喺西貢住係咩感覺?」,但估唔到網民似乎係彈多過讚,究竟西貢衰乜嘢呢?

返工放工靠行山出入市區好過?!
樓主先列出一般人覺得住西貢嘅優點缺點:「好處:可以成日遊山玩水食海鮮爬龍舟、閒日/星期六日行雷閃電大雨冇咁多遊客幾靜同舒服、空氣好、養狗方便、夏天多女睇!壞處:成日塞車、唔方便要準時返工嘅黎生、中途站難上車出去、春天成日好濕、只要唔落雨紅日星期日尤其夏天市中心由朝嘈同迫到晚」。

但似乎大家都係將西貢嘅生活,諗得太浪漫!如果要返工嘅話,交通的確係西貢居民一大頭痛之處:「正常人一星期番五日工,當係商業區番工,一日來回連塞車既通勤時間可能就2.5-3個鐘」、「返工放工靠行山出入市區好過」、「雨季等車返工含等X,未行到去個站已經濕X晒唔x驚」、「日日塞車,夜晚飲完酒想搭的士都比人踢落車」、「住西貢自己無揸車嘅朋友回應,夏天星期六日約七點食飯,四點就死去搭車,平時夜晚死趕爛趕299x,佢都係普通人,只係廿幾年前屋企買咗西貢村屋」,點知網民好mean地回應:「買得村屋唔買埋車位係佢犯賤!」。

樓主認為住西貢,可以成日遊山玩水食海鮮爬龍舟,對住市區嘅人嚟講,真係幾吸引。

但西貢嘅交通問題,確係頭痛,就算有車,亦要受塞車之苦。

送女朋友返屋企 不便到分手
不過有網友就話其實西貢嘅交通情況已有改善,而且都同意樓主所講嘅西貢優點:「好處最尾嗰點係啱,特別係夏天有幾多女著得sexy 少少。但係返工返學就要早成一兩個出門口,如果唔係嘅話,塞車塞到on 9!但係最近整咗蠔涌嗰條路,情況好似好好多。利申:住咗西貢廿幾年」,仲有網民話:「好想知西貢揸船班阿叔成日見咁多女會有咩感覺」。

甚至有網民分享咗一個「緣路山旮旯」式嘅經歷:「ex住入面啲2層屋,好X rich,我住大西北,好X窮,送佢返屋企遠到想死……講真佢對我好好,係欠缺左啲安全感,成日都check我係邊,同有少少情緒化……最後都係決定唔好誤人時間!」,不過,最耐人尋味嘅體驗,就係:「西貢村屋極猛鬼!」

有網民好奇西貢區一班街渡阿叔,假日見唔少着得性感嘅女女,有乜嘢感覺。

有住大西北嘅網民分享,曾經有個住西貢嘅女友,但送對方反屋企路程太遠,最後分咗手。

text/Joyce
photo/HKET圖片庫

============
同場加映:
【蝸居睇樓團】元朗520呎市中心樓!
變私人打卡cafe 展示旅遊手信+清新木系庭園風

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】請您同毛孩免費住酒店!↓

↓立即分享寵物照片 贏走獎品!↓

↓立即分享寵物照片 贏走獎品!↓

↓正嘢!《社群》專區登錄App↓

↓必睇人氣生活+美食主題深度關注組↓

 ↓必睇人氣生活+美食主題深度關注組↓

評語

相關文章