網民熱討香港地理疑團 究竟沙田算唔算市區?將軍澳屬九龍定新界?

2022.08.25

以前讀地理,係話只有香港島同九龍(根據十九世紀香港被割讓予英國嘅範圍),係屬於香港市區嘅範圍;但後來因為新市鎮嘅興起,又有人話只要有高樓大廈以及商業活動嘅地區,都可以當作市區。有網民就喺連登討論區發帖問網民:「大家認為荃葵青、將軍澳、沙田、港島南當唔當市區?」,引嚟一場熱烈有趣嘅香港地理討論。

樓主提出嘅香港地理疑問,其實大家又有無諗過:「有人話荃葵青係市區,因為屬都會區範圍,地理同九龍又冇山阻住。咁如果荃葵青係市區,咁深井汀九又係咪市區?有人話將軍澳係市區,因為交通好方便又冇綠的,啲地產商又話係九龍!有人話沙田係市區,因為搭一兩個站火車就出到九龍,又冇綠的!港島南話就港島,不過有啲人話唔係市區,因為赤柱石澳淺水灣規劃似郊區」。

有無諗過:赤柱、石澳同淺水灣呢啲港島南區地方,雖然位處港島區,但個環境似郊區,究竟應該算市區定郊區?

你又有無諗過:由沙田搭一兩個站火車就出到九龍,又冇綠的,其實算唔算市區呢?

將軍澳係新界東,扮九龍好過癮咩?
有網民表示:「我心目中市區唔係用行政地區分,只有上環至cwb,ssp至tst先係市區」、「你自己都答咗,睇樓價你就知咩叫市區」,但跟住有網民反駁,睇樓價並唔係有效指標:「即係港九啲舊樓唔係市區?就算講新樓,yoho都貴過唔少市區單幢新盤」,有網民就話:「用綠的紅的分」,但又有網民反駛:「將軍澳有啲位有綠的」。不過原來最具爭論性嘅地區,的確係將軍澳。有網民話:「TKO算九龍東」,但引嚟回應:「將軍澳係新界東,扮九龍好過癮咩?」,事實上以行政地區分,將軍澳屬西貢區議會,而根據立法會選舉分區,將軍澳亦屬於新界東。

網民認為將軍澳「唔值得」被劃分為市區:「成日覺得TKO純粹有地鐵加持,搭車出入一係兜一係塞,呢個地方無地鐵應該唔會有人想搬入去,一個咁唔方便嘅地方點叫做『市區』」、「地鐡(得三卡)都只係覆蓋到南區少少地方,但無地鐵嘅地方巴士線就係咁減班cut線,咁仲點會市區?」、「但偏偏好多人都覺得方便, 有條鐵就夠,搬曬入將軍澳康城住,連港島東既客都吸埋」。

好多人認為市區同郊區嘅分別,係以紅的及綠的服務地區嚟分。

原來將軍澳究竟屬於九龍定新界,好多人都被考起!

其實如果以行政地區分,將軍澳係屬西貢區議會,而根據立法會選舉分區,將軍澳係屬於新界東。

唔好網民認為將軍澳之所以「被誤為」市區,全因有港鐵直達。

text/Joyce
photo/HKET圖片庫
============
同場加映:
【蝸居睇樓團】元朗520呎市中心樓!
變私人打卡cafe 展示旅遊手信+清新木系庭園風

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章