近來樓價呈明顯跌勢，好多有心置業嘅人士都心郁郁，想把握機會入市，有網民表示自己租開舊區舊樓，想買樓上車自住，睇中咗一個約600萬嘅400呎35年舊樓單位，都算靚景靚則，成座樓約得40伙，樓主本身都唔鍾意大廈太多人；但又聽人講首次買樓宜買大型屋苑，勝在維修費可以多人夾，將來賣樓又較易轉成座讓，舉棋不定之下，就喺連登討論區發帖問網民意見：「有冇人上車會買單幢舊樓？」，大家有乜意見？
單幢仲要咁舊，夾錢維修都夾死！
大部分網民都唔贊成樓主買咁高樓齡嘅舊樓：「單幢仲要咁舊，夾錢維修都夾死」、「35年？唔好諗住會有下家接手」，有網民回應：「市區重建局接手」，樓主就問：「如果30年樓都仲有得諗？」，網民答：「如果唔諗住轉手冇乜所謂，如果想換樓就買新少少喇！」，但樓主就覺得：「20-30年樓，又去唔到想要尺數，300尺間兩房既屋苑住落唔舒服」，網民好貼心咁回應：「我意見係睇你搵錢能力，同可預見將來會須要幾大空間。例如年輕夫婦搵唔多又可能會生小朋友咪有大買大。」
網民認為以樓主嘅預算，其實有好多樓齡較新嘅選擇：「而家咁既市，6球你買350尺將軍澳半新都有找啦！」、「6球唔介意大西北都買到4-500呎，做乜要買單枝舊樓？！」
網民認為樓齡達35年嘅舊樓，日後想轉手，未必有買家接手。
有網民覺得既然樓主有600萬預算，其實不如考慮買新界西北嘅屋苑。
買樓齡高嘅大型屋苑 日後較易轉手
不過亦有網民覺得買單幢舊樓無問題：「有咩問題，最緊要啱心水，啱地區自己又供得順氣先，就算遲下重建，大屋苑有排都搞唔成」、「唔明舊單支有咩問題，最近（緊）要位置好易租出去又附近多成交，40個單位就真係有d少，起碼80個單位+2部lift好d」、「睇地區囉，港島中上環，西環都搏得過，當你住5-6年賣番出去咁計，你下一手買家會唔會用6-700萬買40年樓。」
如果堅持買舊樓，網民覺得寧願揀屋苑，都盡量唔好揀單幢樓：「畀得6m買35年舊樓，應該都有舊屋苑揀下嘅，唔好買單支啦」、「3年後換樓，買大屋苑易D轉手，樓齡唔洗理，美孚新村一樣做到30年按揭」。關於買舊樓，網民都覺得最緊要留意吓座大廈嘅維修問題：「唔係唔得，但起碼要搞左大維修先，整過外牆同換過lift係基本」，樓主就話心水單位「外牆有整，但lift冇換」，但網民都好苦口婆心咁話：「預夾錢換lift，都可能要幾球，你哋得40戶，自己諗」、「買間做過大維修啦，始終維修上黎可以好貴」、「以前奶過野，大維修要夾100萬」。
網民認為如果要買舊樓，寧願考慮大型屋苑，即使美孚新村都可以做到30年按揭。
買舊樓另一大危機，係座大廈隨時要業主夾錢做大維修，例如要換升降機。
text/Joyce
photo/HKET圖片庫
============
同場加映：
【蝸居睇樓團】沙田380呎舊公屋變身日式部屋！3大WFH寫意空間：地台床變儲物櫃、麻雀枱
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
