林家謙《Summer Blues》演唱會昨晚來到第五場，這晚的驚喜嘉賓有鄭欣宜(Joyce)和鄭中基(Ronald)，Joyce為家謙送上真高鞋墊，腿部「加長」之餘，寓意家謙次次開騷都可以「加場」，而「暴龍哥」一出場即掀起全晚高潮，全場觀眾一齊「wee」出來！
Joyce一出場大唱家謙所作的《救命歌》，之後佢表示第一次聽到這首歌的demo就非常感動，好似有個人摸摸自己的頭、安慰自己，Joyce說起這段往事都哽咽起來，場面感動。
點擊圖片放大
然後她轉換氣氛，說要送禮物給家謙，她延續紅館送禮物的慣例，送家謙增高鞋墊，觀眾見到不禁爆笑，其實禮物是有意思的，Joyce：「呢個係男女通用，但最重要係咩？就係增高鞋墊可以將你隻腳加長！」家謙：「我都成日加場。」Joyce：「Exactly，呢嗰增高鞋墊就係預祝你以後開騷可以加場、加場、加場！」之後家謙將舞台交給Joyce獨唱《Glitterfalls》。
點擊圖片放大
全晚另一個高潮位，就是暴龍哥在家謙唱《閉目入神》時緩緩出場，兩人靚聲和唱令觀眾聽得如痴如醉，唱完時全場觀眾尖叫此起彼落，又大叫暴龍哥Youtube節目中的經典口號「wee」，暴龍哥出場就發揮幽默本色，話以前見到家謙會叫他吃多點東西，因為他很瘦，擔心他1號風球都會被吹走，他說：「不過今日好開心，因為8號風球後佢仲喺度，證明佢大隻咗，真係乖仔！」
點擊圖片放大
暴龍哥又提到女兒平常不聽廣東歌除了林家謙的，而自己會再唱歌是因為女兒，會再次寫歌卻是因為家謙，因為聽到對方的歌曲風格多變，所以令自己都好想寫歌，又透露自己將會於今年做新碟，並且會和家謙合作，觀眾都即時歡呼，似乎相當期待，隨後兩人又唱出《My Only One》。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
