痞子殿下|張頴康藝訓班入行前曾棄選港男機會 愛妻號奮鬥逾20年感激老婆麥雅緻

2022.08.29

入行超過20年的張頴康,近期在劇集《痞子殿下》憑搞笑角色「范壯龍(大契)」而獲得不少讚賞,獲讚演技紮實。張頴康早前接受了無綫娛樂新聞台《星光路上》訪問,節目中就大談由「劉德華契仔」到做演員的心路歷程及種種辛酸。

一直抱住「當一個沉實演員」心態的張頴康,多年來堅持不走「捷徑」、默默耕耘,終於在2016年勇奪「飛躍進步男藝員」殊榮。近年,張頴康逐漸受重用並於劇集《痞子殿下》、《換命真相》、《逆天奇案》等有不錯發揮機會,演技備受肯定。

張頴康透露入行是因為中學時期一次機緣巧合下,去了劉德華公司經理人部門面試,他笑言當時完全被華仔的「靚仔樣」分散了注意力:「第一次見佢心諗『嘩,個鼻好靚呀!』,嗰時我真係聽唔到佢講咩,因為淨係留意住佢個樣。」張頴康續指之後雖成功簽約成為華仔旗下藝人,並獲得培訓兼出歌機會,可惜卻因自己欠缺天份打消繼續闖樂壇念頭,並轉投影視圈。

張頴康續透露當年加入TVB有兩條路,一條是「捷徑」由華仔提名《香港先生選舉》,另一條是報讀藝訓班,踏實的張頴康選擇了後者:「雖然慢啲,但我做演員想從頭嚟過、踏踏實實去做。」

談到辛酸史,張頴康透露入行初期雖已憑馬來西亞電影《太陽雨》登上威尼斯影展紅地氈,可惜回港後依然備受冷待,更甚是出演角色連對白也沒有:「嗰時都叫做代表香港去,之後返嚟又係做啲街坊角色,有啲難受,我冇諗過真係一、兩句對白都冇……」幸好張頴康沒有放棄,更主動積極爭取機會。

張頴康還大談當年如何為了家庭轉行及在拼搏過程中遇上車禍、如何因為太太麥雅緻(Angie)一句「屋企等我嚟頂」、決心返回無綫並接下《回到三國》「范根」這個讓其人生踏上轉捩點的重要角色。

張頴康還會暢談多年來如何因為慢性皮膚疾病,而令身心飽受煎熬、如何靠老婆麥雅緻的支持及信任捱到今天。最後張頴康隔空向老婆大派愛的宣言:「冇佢就唔會有我,而家可以擁有一個家庭、可以無憂無慮地去做自己鍾意嘅嘢,都要多謝我太太。」

 

 圖及來源:TVB、IG@張頴康、節目截圖、劇集截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【U Lifestyle App聖誕周年慶】DayDay送大禮!↓

↓勁送機票/電話/遊戲機等巨獎!↓

↓勁送機票/電話/遊戲機等巨獎!↓

↓【聖誕送禮】送Soul Emotion Pro / Emotion Max耳機!↓

↓立即參加贏走!↓

↓立即參加贏走!↓

評語

相關文章