再有Tesla司機駕駛途中雙手離開軚盤!邊揸車邊玩手機引熱議 網民批:玩少陣電話係咪會死

2022.09.01

馬路上危機四伏,司機應注意駕駛安全免生危險。近日網上流傳一條短片,有Tesla司機正於某隧道駕駛途中雙手離開軚盤,並一邊使用電話,過程長約10秒。有網民表示Tesla司機應該使用了自動駕駛系統(Auto Pilot),才會分心用電話。不過也有人表示「玩少陣電話係咪會死㗎」,認為司機做法非常「牙煙」!

隨著自動駕駛系統Auto Pilot愈來愈受歡迎,吸引了不少車主買車。雖則非常方便,但司機亦須時刻注意路面情況。有網民最近在Facebook群組「屯門友」分享一條長10秒的短片,一位Tesla司機在某隧道駕駛途中雙手離開軚盤,並一邊使用電話。網民指司機應該使用了自動駕駛系統,才會分心用電話。

►App《U TV》專區超過50個自家製節目任睇

不少人表示司機做法非常好危險,直言「呢位Tesla司機真係好忙碌」、「其實佢唔想揸車,不如唔好揸」、「咁樣既話以後係咪唔洗考車牌?」、「玩少陣電話係會即時死㗎」等,認為即使繁忙亦要有危機意識,又指不少交通意外就此發生。

不過也有網民指出「全自動駕駛模式,車主先至可以咁玩電話」、又指「睇嚟好多人都唔知道Tesla有AP」,認為使用了Auto Pilot問題就不大。

早前亦有P牌女司機駕駛Tesla途中雙手離開軚盤,並分享自拍留言表示「假日女司機出沒,Tesla有自動駕駛太好了」。照片被網民分享至Facebook群組,紛紛鬧爆女司機危險駕駛,形容她是「馬路炸彈」。

事實上,Tesla自動駕駛系統仍需要司機「主動監督」,現時未能做到真正的車輛自動駕駛。雖然本港法例暫未有列明單手駕駛屬於違法,但如果因為單手駕駛而引起操控失當,影響行車期間穩定性,對自身或其他道路使用者構成潛在危險,亦有機會觸犯「不小心駕駛罪行」,最高可被罰款港幣5,000元及監禁6個月。

 

來源:FB@屯門友FB@香港突發事故報料區及討論區、運輸署、Tesla


 

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章