日本Francfranc 30週年特別企劃 聯乘迪士尼公主 5色夢幻家品

2022.09.02

日本家品品牌Francfranc 踏入30週年紀念,今次特別嚟個夢幻合作,同迪士尼聯乘推出公主系列家品。今次所有商品主題以灰姑娘、長髮公主、貝兒、茉莉同小魚仙等5位公主作靈感。每一件商品都有5款,以每個公主嘅形象作設計,夢幻且華麗,啱晒充滿少女心嘅你。

每一位公主形象、個性鮮明,令每件家品都呈現出唔同嘅感覺。貝兒系列使用佢身穿嘅鮮黃色晚禮服顏色,配上玫瑰花圖案,盡顯高貴優雅格調。

茉莉個性堅強獨立,樣貌姣好同時帶神秘感。孔雀綠藍色就充份突顯出佢嘅個性美。


充滿幹勁又帶有夢想嘅長髮公主系列,每件商品都會見到代表佢特徵,如代表佢國家嘅太陽標誌、衣服上嘅交叉緞帶以及電影經常出現嘅花花。


小魚仙有活力且富冒險精神,屬於海洋嘅佢當然要用返夢幻珠光貝殼色做代表色啦!


灰姑娘系列就比較簡約低調,好多商品都用上暗花,配上舒服嘅淺藍色,畀人溫柔嘅感覺。


Francfranc當然都有推出飲茶系列畀5位公主啦,襯返一套可以扮下公主歎下午茶實好chill~


Disney Princess Day 茉莉 茶杯連碟 價錢:3,000日圓(約173港元)、茶壺 價錢:4,000日圓(約230港元)、蛋糕架 價錢:1,800日圓(約104港元)


Disney Princess Day 薄紗袋/長髮公主  價錢:2,900日圓(約167港元)


每一個袋設計都十分特別,而且附有透明膠套,可以將呢個薄紗袋好好收納,唔怕放入袋畀其他嘢勾爛或整污糟!


仲可以掛喺手袋度備用,十分方便。


Disney Princess Day 旅行手飾盒S/M/灰姑娘 價錢:2,800(約161港元)/4,800日圓(約276港元)
今次仲推出咗旅行手飾盒,有兩個呎吋選擇。


個人覺得茉莉系列手飾盒最吸引,孔雀綠色嘅絨面配金色刺繡,格外高貴。打開後見到代表茉莉英文嘅「J」字樣,連同神燈設計,非常特別。

Disney Princess Day室內香薰、蠟燭價錢 /貝兒 價錢:5,900(約339港元)、4,500(約259港元)
每位公主都有唔同嘅香味,好似貝兒係玫瑰香氣;灰姑娘係梔子香&皂香;小魚仙係牡丹&海洋香等。重點係呢個蠟燭連埋底座、玻璃罩及公主剪影嘅吊飾,好華麗啊!帶返屋企等你都變得好似公主咁香噴噴啦!


Disney Princess Day 抱枕/長髮公主 價錢:5,000(約288港元)
抱枕以長髮公主嘅衣服做主題,可以明顯見到淺紫色嘅交叉緞帶及刺繡。圓柱體嘅抱枕超舒服,放喺床上瞓覺攬住用最好!

Disney Princess Day 坐墊/茉莉 價錢:6,800(約391港元)
呢款特色富中東感嘅坐墊除咗設計靚仔外,中間使用嘅材質係具彈性聚胺酯,長時間坐喺上面都唔會攰,非常出色~


Disney Princess Day 凳/貝兒 價錢:25,000(約1438港元)
呢款得網店獨家發售。電影中,城堡嘅狗同樣被女巫詛咒後變成凳,Francfranc將佢完美複製,帶返嚟現實。

連細節位都跟足,造工超仔細。凳腳、面料、花紋全部都同電影中一樣,好靚啊!帶返屋企可以當凳、小茶几用,華麗又實用,必買!


【INFO】
Princess Days by Francfranc
售賣點:日本Francfranc分店及網上商店
日期:2022年9月2日起

text/serena
source/Francfranc@official

============
同場加映:
【蝸居睇樓團】沙田380呎舊公屋變身日式部屋!3大WFH寫意空間:地台床變儲物櫃、麻雀枱

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】送您最新iPhone 14!↓

↓立即分享美食 贏走獎品!↓

↓立即分享美食 贏走獎品!↓

↓「U Lifestyle App限時搶」↓

↓逢星期三3PM入App搶!↓

↓逢星期三3PM入App搶!↓

評語

相關文章