無得去旅行，係咪都有啲掛住喺韓國攤位度暢飲狂食呢？其實喺屋企都可以做到呢種感覺，只要你去日本300円店「3 Coins」就可以買到。最近「3 Coins」推出咗一系列以韓國小食檔為主題嘅餐具，將佢哋帶返屋企。絕對畀到你韓國嘅風味。
馬格利酒壼 880日圓（約49港元）
除咗燒酒，韓國人都好鍾意飲「馬格利」（即米酒），比較香醇、易入口。倒入酒壼格外有feel~
馬格利酒杯 330日圓（約18港元）
用埋呢隻酒杯，仲唔係去咗韓國大排檔？
不鏽鋼鍋 1,650日圓（約92港元）
韓國菜多以鍋上碟，例如部隊鍋、泡菜鍋、年糕湯等。屋企有個大鍋坐陣，煮咩都輕鬆過人。
不鏽鋼筷子 2件套裝 330日圓（約18港元）
韓國筷子係扁平狀，普通人真係未必用得慣。但做戲要做全套，韓式筷子當然要買。
五花肉烤板 1,980日圓（約111港元）
烤肉板特意設計可以令五花肉油花流走嘅坑紋，減少油份嘅吸收，亦令到五花肉烤得更皮脆肉嫩。
烤肉筷子 330日圓（約18港元）
馬克杯 30日圓（約18港元）
馬克杯最啱用嚟調燒啤飲，即係燒酒+啤酒嘅合體。佢哋調酒仲要勁多花式，等我學定幾招先！
燒酒杯 2個 330日圓（約18港元）
韓國人食燒肉同樣離唔開燒酒，一 shot 一 shot 咁飲，爽啊！
塑膠深碗 330日圓（約18港元）
成日睇韓劇入面啲小食檔真係用呢種圖案、顏色嘅碟，買返個扮下嘢，食下魚糕串、炒年糕都好喎。
韓式燒肉調味碟 330日圓（約18港元）
韓式燒肉中調味碟係好重要嘅存在，因為食韓國人食烤肉要配埋泡菜、辣椒、蒜頭、醬料等等一齊包住咁食。
復古霓虹燈牌 550日圓（約31港元）
要製造韓式小食檔氣氛，當然唔少得呢啲復古霓虹燈牌。夜晚望住霓虹燈牌邊飲酒，勁好 feel 啊！呢個燈箱仲有幾款圖案可以換，打橫打直放都得，可以間中換下擺法，咁就更有新鮮感啦！ LED燈箱。
要製造韓式小食檔氣氛，當然唔少得呢啲復古霓虹燈牌。夜晚望住霓虹燈牌邊飲酒，勁好 feel 啊！呢個燈箱仲有幾款圖案可以換，打橫打直放都得，可以間中換下擺法，咁就更有新鮮感啦！ LED燈箱。
【INFO】
Korea Pocha
購買點：日本全國3 Coins分店
text/serena
source/3Coins@official
============
同場加映：
【蝸居睇樓團】荃灣33年舊樓變原味和風居室 日式鄉村小屋廚房、主人套房衣帽間連茶室
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
