網民熱討:點樣先可以趕絕家居「小強」? 養貓之後曱甴失晒踪?!

文: U Magazine
2022.09.13

香港嘅夏天,尤其係臨近打風,啲「小強」同各類飛蟲就會群起出動,真係諗吓都頭痛!但有網民喺連登討論區發帖,分享佢朋友嘅屋企做咗啲「防衛措施」之後,唔單止無「小強」,連四腳蛇都無見過!但有網民睇完,就認為呢個方法隨時會攪到屋企一鑊泡,究竟應該點樣抵禦「小強」呢?

所有窗都加兩重防蟲網  小強四腳蛇都無見過
樓主分享咗朋友屋企嘅防蟲裝置,係咁情況:「朋友新屋house warming,佢唔係私樓,居屋大裝修,將所有窗都整2重防蟲網,廚房同廁所好多位都加可以換嘅防蟲網,屋企大門又用咗昆蟲貼紙,防止係門爬入嚟,啲牆做到完全冇縫,最X癲係佢連冷氣機都有個網包實,佢話住咗1年多,一隻飛蟲同小強都冇,連四腳蛇都冇見」﹗但更勁嘅係:「佢老豆老母都走左,自己住,有親戚間中上嚟打麻雀,之前同條女住,條女個杯麵擺咗5日,佢地用CCTV拍住都冇任何生物出現」!

網民都覺得不可思議,紛紛發問:「連烏蠅、蚊滋、廁所渠口嘅蟲都冇?」,樓主回應:「蚊佢地都話唔多覺,但好細隻果啲就唔知,佢窗個2重防蟲好X勁,連飛蟻都唔係咁易入到」,又有網民問:「你個fd廚房廁所水管附近有冇搵野塞住?有冇抽氣扇?都係加層網?我呢度舊樓,聽講話係水管問題,成個屋苑都係咁,屋企幾乾淨都會有勁多小強開party」,樓主回應:「抽氣扇都有裝網,水管有個塞,屋主有慣性,用完一定封返佢」。

樓主表示朋友屋企住咗一年幾,不單無飛蟲同小強,連四腳蛇都冇見過。

樓主朋友將所有窗都整咗兩重防蟲網,屋企大門又用咗昆蟲貼紙,務求令小強無途徑可以入屋。

樓主朋友連抽氣扇同冷氣機都加裝防蟲網,以趕絕小強。

最好都係落藥  有效咁殺死成個小強家族
但有網民就覺得呢個「鎖國政策」其實隨時有返效果:「如果入咗嚟,分分鐘出唔返去,留喺屋企有排搵」,「呢啲最戇X,冇事冇幹就還好,一個唔覺意有一隻入咗去就變咗困獸鬥完全無得出嚟,無限繁殖,然後就要搞一大輪滅蟲,但係都好難斷尾,最後都係要駛錢拆返晒啲嘢,等啲蟲有路走先唔會困住無限繁殖。」

有網民主張搵滅蟲公司落藥先係最佳方法:「你就算屋企做到幾乾淨都好,一樣會有其他小強喺附近爬入屋,所以最好都係落藥,可以有效咁殺死成個家族」,「住咗一年未有曱甴,係之前打風入過一條簷蛇,每年搵滅蟲公司上嚟落一落藥,平時多吸塵同啲碗食完即洗」,有網民就認為最緊要唔好開窗:「我搬咗屋無幾耐,有日喺屋企整緊嘢食,我老母一上黎就開我廚房窗,即刻飛隻強入黎,嚇到我仆街即走,佢幫我收拾殘局……自此之後我廚房無開過窗,btw我真係唔係幾鍾意屋企開窗,總覺得好多蛇蟲鼠蟻會入屋」,有網民就話養貓都有用:「未養貓前間唔中會發現一兩隻,養左貓之後失蹤哂,頂盡搬開啲櫃/物件會發現呢到有隻甲由腳/甲由翼」。

但有網民認為小強總有途徑入到屋,如果到時小強無辦法走,喺屋內無限繁殖,手尾就更長。

有網民覺得,定期搵滅蟲公司上嚟落一落殺蟲藥,係比較有效可靠嘅方法。

有網民話屋企盡量唔開窗,避免蛇蟲鼠蟻會入屋。

亦有網民表示養咗貓之後,小強失蹤哂!

text/Joyce
photo/HKET圖片庫

============
同場加映:
【蝸居睇樓團】偏財屋易中六合彩? 火燒天門影響屋主健康?屋企擺公仔招小人?

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓