網民熱議:昇悅居、宇晴軒、泓景臺、碧海藍天 邊個屋苑值得上車?

文: U Magazine
2022.09.09

近期樓價下跌,好多人都想把握機會上車,有網民睇中被譽為西九四小龍之一嘅昇悅居兩房單位,認為價錢合理兼係地鐵上蓋新鴻基樓,喺連登討論區發帖求意見,究竟係咪買得過?引嚟網民熱烈討論荔枝角站上蓋四個屋苑:昇悅居、宇晴軒、泓景臺及碧海藍天,究竟各有乜嘢優缺點。究竟昇悅居個原則有乜嘢缺點?邊個屋苑離港鐵站最遠?邊個會所吸引啲?

上車揀四小龍好啲?定奧運站上蓋好啲?
唔少網民認為四小龍所屬地區,其實配套條件麻麻地,建議樓主考慮其他區:「四小龍都麻麻地,樓下個商場冇乜好行,周圍除左D2外就係工廠、貨倉、家禽批發市場、勁多塵嘅公路馬路,附近想環境好少少都要行到去荔枝角公園。唯一好處應該係可以有蓋去黨鐵。上車20幾年樓齡都還可以,但如果有budget/純租不如考慮奧運站好過,成件事差好遠」、「唔諗荃西 tko?差唔多錢但配套好過荔枝角好多」,樓主回應:「都係諗住上車,不過都見附近無街市,得超市」。

有支持嘅網民分析咗四小龍,都有一定優點:「呢個價錢如果要市區+大型屋苑都冇乜上車選擇,不過準備好幾年後趁樓齡未太舊就再換樓啦!街市可以行去富昌個頭,一係就海麗村小巴去長沙灣」、「四小話好又好唔晒,以前就俾成堆下欄野圍住,條街臭到仆街,而家堆下欄搬得7788,太多位等起樓,隨時變埋新公屋,未來唔知會唔會影響樓價。要搵野食同娛樂過橋底去荔枝角都大把,又有壽司郎同全港最平既mcl,碧海個邊又有aeon。btw住黎計一定好過奧運,假設你唔需要去港島返工」、「奧運靠海,有真維港景,奧海城夠大,近旺角但又無旺角咁雜咁舊,過朗豪坊又近,旺中帶靜,娛樂方面完勝,民生野過條橋有旺角街市,又有奧運站可以直去中環,接近直去機場,地段同環境同樓宇設施客觀上睇係完勝四小既,不過相對附近啲民生野都貴啲,所以你啱,不過無咁多錢既,就四小龍算」。

有網民建議如果budget或者係租屋,不如考慮奧運站,環境配套會好過四小龍。

樓主擔心昇悅居無街市,有網民話可以去海達邨街市。(相片來源:房屋委員會)

四小入面嘅兩房單位,昇悅居大兩房應該係最好
究竟樓主心怡嘅昇悅居,買唔買得過呢?有網民批評原則唔太好用:「如果純計四小入面嘅2房單位,昇嘅大兩房應該係最好。一入門口冇走廊夠實用,望入去成個廳空間感十足,擺位又flexible。大房有衣櫃位,仲可以輕鬆整到3邊落床。唔好處係廚房正方形,擺位上唔夠長方形方便。反而同一個屋苑,昇嘅細兩房啲房細到床都放唔落」、「大兩房則都有佢既缺點嘅,廳嘅對流窗對天井,同埋個單位縮入去令個景觀受阻,兩個則嚟講個廳嘅size分別唔大,係房個設計差啲,始終都差幾十尺」。但從會所及用料等角度,亦有網民撐昇悅居:「唔計景觀嚟講昇最高質(會所,用料,管理),其他三個都麻麻地,利申:住過泓同昇,有frd住宇同碧……個人認為昇大兩房>碧,昇lobby靚好多,又有SHK光環,大房衣櫃位大過碧嗰個。交通直落荔枝角站無懸念,碧要光廁就硬食呂字廳,個人接受唔到黑廁,平台嗰層lobby設計核突到好似靈灰閣咁。行去南昌同去荔枝角差唔多咁遠,搭開西鐵或者東涌線可以考慮」、「SHK光環都重要,上次打完風去昇睇一個單位,窗邊同牆身完全無水痕」。

有網民認為昇悅居嘅大兩房應該係四小龍之中最好,勝在門口無走位,客廳夠空間感,傢俬擺位容易。

講到會所設施,網民認為昇悅居嘅會所係四小龍之中最好。

至於四小龍入面各屋苑嘅優劣,住過嘅網民都分享心得:「住過晒4小龍,最唔recommend宇晴,佢唯一好處係你有錢的話,佢可以打通晒兩個單位而其餘3小做唔到。會所就昇悅居最見得人,同埋佢係地鐵站上蓋,10點前得佢可以係商場直入。碧海係遠,但有aeon同而家去海達街市方便,同埋個景無咁侷促;泓景,普普通通,諗唔到好又諗唔到壞」。

由荔枝角港鐵站有入口直達昇悅居商場。

碧海藍天離港鐵站遠,不過商場有aeon,購物都方便。

碧海藍天部分單位有黑廁,唔少人接受唔到。

論景觀,相對其他三個屋苑,碧海藍天會比較開揚。

text/Joyce
photo/HKET圖片庫

============
同場加映:
【蝸居睇樓團】荃灣33年舊樓變原味和風居室 日式鄉村小屋廚房、主人套房衣帽間連茶室
https://www.ulifestyle.com.hk/video/6447


用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓