獨家新推!精選日本 Daiso 可口可樂系列家品 搶眼印花碗碟、logo透明傘、型格紅黑飯盒

文: U Magazine
2022.09.09

日韓嘅 Daiso 隔一段時間仲會同唔同品牌聯乘推出一系列產品。最近日本 Daiso 就同全球擁有無數 fans 嘅可口可樂合作推出獨家家品系列,廚房餐具、派對用品、生活用品應有盡有。重點係最貴都只係 550 日圓(約 30 港元),最平 6 港元都有交易。今次精選 9 款超抵買產品俾大家,可口可樂 fans 買晒成 set 返去都唔肉赤啊!

雙層式飯盒 220 日圓含稅(約 10 港元)

一共 4 款嘅雙層式飯盒,以可口可樂經典紅黑色為主,印上簡單 Logo,內附筷子超方便,容量不大偏輕身,啱晒食量細嘅女生們。

印花托盤 110 日圓含稅(約 6 港元

造型搶眼嘅印花托盤都只係 6 港元,超抵買啊!2 款圖案有分大細,最啱開 Party 時用嚟裝零食招呼客人!

除咗家居系列之外,今次聯乘可口可樂仲推出咗眼罩頸枕、手持式風扇仔、毛巾、飯盒袋等生活用品,全部都係 110 - 550 日圓含稅(約 6至 30 港元)咋,CP 值超高!

印花碗碟杯 110 日圓含稅(約 6 港元)講起家居用品又點少得碗碗碟碟呢,碗碟全以白色做底再印上可口可樂 logo,簡簡單單反而仲靚,6 蚊咁平真係買晒成 set 返去都唔肉痛啊!

抽繩袋 110 日圓含稅(約 6 港元)設計簡單又帶點美式復古風格嘅抽繩袋,紅、黑、白配色好搶眼,小巧輕便嘅設計方便女生們放入手袋。

食物儲存盒 110-220 日圓含稅(約 6-10 港元)一共有 400ml、430ml、800ml、980ml、1.15L、1.28L 以及 1.95L 7 款 size 嘅食物儲存盒,有長方、正方以及圓桶型,煮飯人士必買!

透明雨傘、雨衣 330 日圓含稅(約 18 港元)一望到就好想買嘅可口可樂雨傘,低調得嚟又有style,而且直徑夠大,兩人用都無問題。可口可樂忠粉一定要入手嘅雨衣,離遠見到都知你係 fans 啊!

派對紙杯碟 110 日圓含稅(約 6 港元)Party Animal 必買嘅派對品,唔只有基本嘅紙杯紙碟,仲有色彩繽紛嘅紙袋、餐具同紙巾,襯晒一套打卡影相呃 like 無難度!

可折疊膠墊 550 日圓含稅(約 30 港元)配色設計充滿活力嘅野餐墊同食物墊,可折疊夠晒方便,唔用仲可以擺出嚟當裝飾,一物二用!

 

【INFO】
日本 Daiso x 可口可樂家品
網址︰jp.daisonet.com/collections/cocacola

text / Yuen
(相片及資料來源︰Daiso 官網、instagram)

============
同場加映:
【蝸居睇樓團】荃灣33年舊樓變原味和風居室 日式鄉村小屋廚房、主人套房衣帽間連茶室

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓