日本雜誌附送嘅贈品永遠唔會令人失望！當中最受歡迎嘅除咗同卡通人物聯乘嘅精品之外，Made in Japan 嘅生活家居用品亦係人氣之選。今次精選咗 9 月同 10 月雜誌贈送 7 款實用又可愛嘅小禮物，當中包括姆明針線套裝、電神朱古力收納包、Miffy 造型儲物筒等，家居用品控唔好錯過啊！
大人のおしゃれ手帖 1,120 日圓（約 61 港元）、 9 月 7 日發售
家居必備嘅針線套裝以姆明一族為主題，盒上印咗姆明、阿美、史力奇等角色，內含 10 枝針、6 種顏色線、剪刀、針線枕以及捲尺，可愛又實用。
ブラックサンダー ハードケース＆ポーチセットBOOK 1,969 日圓（約 107 港元）、 9 月 6 日發售
出產日本人氣零食「電神朱古力」嘅有樂制果株式會社推出咗第一本官方雜誌。作為首份隨書贈送嘅禮物，當然要有返咁上下代表性啦，包裝造型小袋同朱古力硬盒夠晒搶眼。兩個袋仲可以分開用，間隔實用，最啱用嚟放化妝品、文具或者濕碎物件啊！
MonoMaster 1,390 日圓含稅（約 76 港元）、8 月 25 日發售
男性雜誌 MonoMaster 今期都有驚喜！隨書附送日清小雞戶外野炊折疊鍋連鍋蓋，蓋子同鍋底都印上可愛小雞圖案，總容量約 890ml，把手可收到鍋子兩邊，攜帶方便。另外更支援電磁爐，喺屋企都可以用佢享受露營嘅趣味！
SWEET 1,180 日圓含稅（約 64 港元）、9 月 12 日發售
SNIDEL x 新木優子特製蝴蝶結小袋子相當抵買，除咗可以單用作化粧包外，仲可以加鍊做側背包，黑白配色為甜美又少女嘅糖果造型增添了時尚感。
オトナミューズ 宝島チャンネル限定号 1,280 日圓含稅（約 70 港元）、8 月 26 日發售
Miffy fans 必入手！宝島社限定嘅 Miffy 造型儲物盒一共有黑白兩色，最啱放喺廁所整齊地收納棉花棒以及棒狀化粧品，另外亦建議用來存放維他命或糖果，一物多用，設計簡約，咩風格嘅家居裝修都擺到啦！
タイガー魔法瓶 100th ANNIVERSARY 懐かしの花柄お弁当箱BOOK 2,475 日圓含稅（約 135 港元）、9 月 27 日發售
為慶祝 Tiger Thermos 迎來 100 週年，官方出版首本 fans book。書中除咗介紹 Tiger Thermos 百年歷史，仲有多篇食譜以及復古愛好者最愛嘅流行產品。而隨書附送嘅便當盒更加印上昭和時代復刻花卉圖案，容量約 100 克，可以放入微波爐加熱，懷舊復古的可愛設計令人無法抗拒！
InRed 1,190 日圓含稅（約 65 港元）、9 月 7 日發售
Let it go，Let it go，冰雪奇緣 fans 注意！InRed 10 月號贈送由 Arendelle Castle 和 Olaf 設計嘅可折疊波士頓包，僅重約 120 克，輕巧方便，非常適合旅行、戶外活動同做運動時使用！
【INFO】
網址︰tkj.jp
（相片及資料來源︰宝島社）
Text/Yuen
============
同場加映：
【蝸居睇樓團】大角咀納米樓18萬搞掂！衣櫃/儲物/梳化3合一、5大增空間感TIPS
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
