網民求救:買改原則舊樓上車 銀行要上門視察 究竟搏唔搏得過呢?!

2022.09.19

呢排樓價跌,好多人都想把握機會上車置業,當中唔少人因為方便返工或者呎價較低,會考慮買舊樓,但原來喺銀行做按揭,真係會有啲麻煩!有網民喺連登討論區發帖,話自己睇中咗個約有50年樓齡嘅單位,點知去銀行做按揭,職員話要上門視察吓個單位,但個單位嘅廚房原來改咗位置又變咗開放式廚房,而家樓主向網民求救,究竟點算好?大家有乜嘢意見呢?

睇中50年樓齡單位  但上手業主改咗開放式廚房……
樓主嘅情形係咁:「本人第一次買樓,睇中個舊樓盤,係啲幾層高屋仔嘅其中一個單位,個盤都有成50年樓齢,但內籠有裝修,ok新淨,無乜石屎剝落,狀態ok la。咁我就去狮子問吓按揭預先批核la,填到咁上下,個女職員就同我講你層樓要上門睇吓wo。睇吓有無僭建同改建。唔講由自可,一講我心諗就PK啦。因上手業主個廚房改咗位置同開放式,個落地玻璃改咗趟門,出面加埋欄河,因為我做開建築個行,一返屋企即刻上BD 度搵返佢張批則睇,真係改曬!」

於是忐忑不安嘅樓主就出post問網民:「咁樣我應唔應該搏一搏呢?搏唔到就要毀約……」

樓主睇中咗一個約50年樓齡,位於一啲幾層高屋仔入面嘅單位,去做按揭時,銀行要求要上面視察有無改建或僭建。

但樓主對過原則,發現上手業主將廚房改位並改成開放式廚房,落地玻璃亦改成趟門,因而擔心申請按揭會有問題。

搵細行做按揭會有機會唔驗,問吓按揭中介有無介紹
網民都認為樓主應該搵其他銀行或者按揭中介試吓:「轉過間銀行,有啲唔睇」、「大貓,成日都會睇樓,特別過左45年嘅單棟樓,反而中銀、恒生唔會睇」、「即刻搵啲細行做按揭,個啲會有機會唔驗,問吓啲按揭中介有無介紹」、「唔博,搵另一間,有啲 hea 做無咁易check,最好搵中介介紹,佢地搵邊間會chur,邊間無咁chur」。不過好多網民反而唔贊成樓主買50年樓齡嘅樓:「仲乜咁諗唔開買50年樓?!」、「單棟樓定村屋?舊嘅村屋好多時都會睇下,僭建要申報,50年你都買,真係勇!」、「50年樓,下家要做按揭咪好難搞?」但網民回應:「仲諗下家?住10年已經60年樓,仲想賣?攬住佢入棺材算啦!」,至於上一手業主改建部分:網民就覺得:「你果啲邊算改。通常佢叫你自簽協議,自己負責,違規潛建就真係唔得。」,樓主就講出佢最大嘅擔憂:「其實我都希望簽agreement 就得,最驚銀行批少咗錢畀我先大鑊!」

網民建議樓主轉銀行,或搵按揭中介。

不過網民普遍都唔贊成買50年舊樓,除咗做按揭,日後轉手亦困難。

text/joyce
photo/HKET圖片庫

============
同場加映:
【蝸居睇樓團】大角咀納米樓18萬搞掂!衣櫃/儲物/梳化3合一、5大增空間感TIPS

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓「App限時搶」大派禮品↓

↓記得逢星期三3PM入App搶!↓

記得逢星期三3PM入App搶!

評語

相關文章