白居二 6大「伏位」 點解逾半中籖者都唔上車? 要畀四成首期?按揭還款期短咗?

2022.09.19

好多具有白表申請居屋資格嘅人士,都會一併申請白表居屋第二市場計畫(俗稱白居二),即可以以免補地價購買二手居屋。雖然有約10人申請,但房委會數字顯示,對上一輪的「白居二 2020」的4,500名中籖者當中,大約只得2,000名中籤者選擇「入市」,即代表有約2,500名中籤者放棄利用配額上車,係2017年底計畫恒常化以來最多嘅一次。同時,「白居二」成交比例,已經連續兩年跌至四成多水平,究竟白居二有乜嘢「伏位」,令咁多中籖者到埋門一腳都選擇放棄買樓上車機會呢?

原因1:樓齡高白居二要畀四成首期
買居屋,政府會作擔保30年,以首次出售日期起計,而銀行批出嘅實質按揭成數同還款年期,就會視乎擔保期剩返幾多年。在二手居屋市場上,如果樓齡為19年或以下,銀行一般都可以做到九成按揭同25年還款期;但若擔保期已過,審批就相對嚴謹,不過白居二屋苑,大部份超過20年樓齡,可承造按揭成數多數只有六至七成,準買家變相要畀相等於樓價三至四成作首期,上車負擔隨時大過買私樓。

超過二十年樓齡嘅居屋,多數只做到六至七成按揭,買家變相要畀樓價三至四成作首期。

原因2:按揭還款期短負擔高
承接上述原因,樓齡達20年或以上嘅二手居屋,銀行極少機會提供到25年還款期,甚至有高樓齡居屋,大約只得10年還款期,導致每月還款額提高,增加供樓負擔,導致唔少人計過數,發現搏唔過而放棄機會。

超過20年樓齡嘅居屋,亦唔會做到25年還款期,樓齡愈高,還款期愈短,令每月供樓負擔更重。

原因3:二手居屋價價錢媲美新樓
唔少居屋業主都想單位可以以理想價錢出售,所以二手居屋市場唔少單位,叫價偏都高,有啲被譽為居屋王嘅市區屋苑,已補地價嘅呎價到達近二萬元一呎,直追私樓;而近期樓市轉差,發展商推出新盤時,定價都比較克制,加上可以做到九成按揭,因此好多上車人士計過條數之後,都寧願轉買新樓。

唔少位於市區位罝較好嘅二手居屋,售價根本媲美私樓,亦令中籖者覺得唔抵買而放棄。

原因4:加息兼樓市前景唔明朗
近期美國聯儲局連番加息,市場憂慮香港嘅息口會跟住上調,大家擔心供樓金額會增加,二手市場成交量已經下調,想上車買樓嘅人士都三思係咪應該而家入市。

美國加息,好多人都擔心香港都會跟隨,令供樓負擔增加,暫時放棄入市。

原因5:疫情加經濟不景氣
呢三年,香港受新冠疫情影響,政府多番收緊社交距離措施,暫時仍通關無期,導致多個行業不景氣,失業率上升,令唔少人對買樓上車態度變得保守,暫時擱置上車大計。

近年香港受疫情影響經濟,唔少人失業或收入減少,擱置上車計劃。

原因6:等2023年新居屋
據知房委會將於2023年有新一批居屋出售,預計將會位於屯門、元朗、將軍澳及啟德等區,令唔少人覺得與其以接近私樓價買高樓齡二手居屋,不如等新居屋。

2023年將有新居屋發售,於是唔少人寧願再試抽新樓,好過住二手居屋。

text/Joyce
photo/HKET圖片庫

============
同場加映:
【蝸居睇樓團】大角咀納米樓18萬搞掂!衣櫃/儲物/梳化3合一、5大增空間感TIPS

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【送禮】送您5G智能電話及寵物店現金券!↓

↓ 立即分享貓狗相片 贏走豐富禮物!↓

立即分享貓狗相片 贏走豐富禮物!

↓社群送禮!贏走人氣網上超市現金券!↓

多玩多中!立即參加!

多玩多中!立即參加!

評語

相關文章