李佳芯演而優則導拍微電影關注腦退化症 自監自導自編自演《伴》《絆》獲讚人美心善

2022.09.18

女神李佳芯(Ali)自去年開始籌備一齣兼任監製、導演、編劇、主演的微電影,為慈善機構「賽馬會耆智園」宣傳腦退化症,而經過長達一年的努力,微電影作品今日(18日)終於面世,以配合每年9月21日的「世界認知障礙症日」,希望藉著微電影喚醒大眾關注腦退化症患者,同時亦是 Ali個人YouTube Channel的第一條片。

演而優則導的李佳芯近期馬不停蹄在社交平台上做好宣傳工作,微電影中邀來資深電影人張同祖演腦退化病人,更與Ali合演一對父女。Ali就曾透露執導主演這齣微電影是一項相當大的挑戰,希望藉着影片能令大家關注照顧者與被照顧者的需要,獲不少網民大讚Ali「真係人又靚、心地又好」、「人美心善的最佳代表」、「好難得咁有心」!

►App《U TV》專區超過50個自家製節目任睇

Ali今次可謂由零開始,由於沒有製作經驗,四出「拍膊頭」找幕後朋友幫忙,初期曾經因為壓力太大而萌生放棄念頭。她說:「初初以為慈善project唔需要好多錢,所有嘢諗得太簡單,到叫人幫手做嘢時,發現要搵到合適嘅人做合適嘅崗位真係唔易,當下真係好徬徨無助,有時係到諗我咁辛苦為乜呢?老實講我一蚊都冇收,既然唔係為賺錢,點解我要攞苦嚟辛呢?」幸好最後找到電影編劇幫忙寫劇本,加上張同祖(祖哥)在幕前幕後也不遺餘力地幫忙,令Ali總算放下心頭大石。


不過始終祖哥已多年未有在幕前亮相,Ali今次能夠成功邀請到祖哥飾演父親角色,過程可謂過五關斬六將:「我托朋友介紹聯絡佢幫手時,佢真係唔知我係邊個嚟,亦冇睇過我嘅作品。我send資料畀佢後,過咗幾日見冇回音,我就膽粗粗約佢出嚟飲茶以表誠意,第一次見面佢已經比咗好多劇本上嘅寶貴意見,最後見多幾次面後,終於打動到佢幫忙演出。」Ali 大讚祖哥不但沒有計較酬勞,而且還在拍攝時無私分享執導經驗:「言談間佢灌輸我知電影究竟係咩一回事,話比我知對每個作品嘅要求同高度,我喺佢身上睇到佢對電影嘅每一份執著同熱誠,十分敬佩。」

最終Ali籌備歷時一年,心血作品終於面世,她透露本來打算舉行首映禮廣邀長者及傳媒好友,奈何疫情現時仍反覆不定,最後決定將首映移師到網上發布:「我諗深一層,我搞首映最多都係幾百人入場睇,但呢個project受眾更多先會令成件事更有意思,所以最後選擇以網上形式搞首播,大家都可以免費睇到,影響力先會更加大!」

即睇李佳芯首部微電影作品:



圖及來源:YouTube@Ali 李佳芯

用App賺U Fun換獎賞!

會員登入U Lifestyle App即可領取
迎新禮遇 150

立即登入領取

↓【隆重登場】香港咖啡地圖2022!↓

↓即睇精選50間咖啡店(附評分及介紹)↓

即睇精選50間咖啡店(附評分及介紹)

↓【免費睇】全港打卡Cafe攻略2022!↓

↓40間本地假日地區Cafe精選/拍攝技巧↓

40間本地假日地區Cafe精選/拍攝技巧

評語

相關文章