有時買了昂貴的護膚品，畀錢時都會有少少肉赤，咁用嘅時侯就當然要用到最後一滴唔好嘥啦！
其實護膚品用到最尾唧唔到出嚟，當扭開樽蓋就會發現其實仲有唔少剩喺底，就咁扔咗佢真係超級浪費啊！今次就等我活用小工具，教你幾個方法將護膚品搾得一滴都不剩啦！
針對唔同形狀、材質嘅護膚品樽，要活用不同嘅工具及方法。只要行遍12蚊店或雜貨店，就可以輕易買齊所需嘅小工具。
針對擠壓形瓶身及膏狀內容物，好似牙膏、洗面奶等，就可以先揸住尾端大力搖晃，然後用剪刀將尾端剪走。
剪短樽身嘅長度，可以容易刮出內容物使用。
旅行分裝瓶及迷你漏斗分裝套裝，可以用來對付高身圓柱形瓶身。
先將Body Lotion成枝倒轉放，靜待Lotion慢慢經漏斗流入旅行分裝瓶。如Lotion質地太稠身，可加倒入爽膚輕輕混和。
分裝乳霜盒適合儲放膏狀或稠身內容物。針對四方形瓶及稠身內容物時，就唔可以用上面嘅方法。
首先可以先搖樽身，待Cream跌至樽口位；再利用木棒或小匙羹舀出嚟。
放入分裝乳霜盒備用，簡單、方便、快捷！
針對唧嘴瓶及精華狀內容物時，要使用幼針管。
用針筒取代唧嘴，將內容物慢慢唧出。
再唧入旅行分裝瓶備用就完成。
針對有彈性樽身及吸管瓶，可先用剪刀或cutter將樽身剪開一半及剪走中間部分。
再用膠紙將開口完全黐實，以避免外細菌污染內容物。變短嘅樽身可以更容易唧出剩餘嘅Cream。
將噴霧裝內容物放入分裝瓶，其實好簡單。先移走上蓋並用剪刀頂住噴咀口，稍微施壓力便可令噴霧流入分裝瓶。
【INFO】
旅行分裝瓶、針管、迷你漏斗分裝套裝、分裝乳霜盒
價錢：12港元/件
價錢：12港元/件
售賣點：Aeon Living Plaza
text/serena
photo/chow
photo/chow
============
同場加映：
【蝸居睇樓團】大角咀納米樓18萬搞掂！衣櫃/儲物/梳化3合一、5大增空間感TIPS
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
