網民熱討:阿媽有綠表單人長者資格,抽中綠置居機會大唔大? 邊類申請者揀樓有優先?

2022.09.26

房委會剛剛公布,最新一期綠置居,將於9月29日至10月12日接受申請,預計今年第四季進行攪珠,明年第一季開始揀樓。由於單位為市價四一折,故不少合資格人士都相當心動。有網民在連登討論區發帖問網民:「老母有綠表單人長者資格, 抽中綠置居機會大唔大?」,引來網民熱烈討論:究竟綠置居係咪咁值得買?單人長者申請綠置居,係咪有揀樓優先呢?

購入單位15年後先可以於公開市場出售
首先網民質疑綠置居的質素,如果本身有公屋住,是否真的有必要買綠置居:「其實有間公屋又真係唔洗買嘅,根本一模一樣」、「綠置居期期都賣剩」、「綠表直接買2手居屋好過啦」、「天水圍好多高規格公屋,綠置居應該會downgrade」,不過都有網民認為綠置居都有可取之處:「睇下邊區啦,好似上期咁,天水圍搬去鑽石山都幾好啊」。網民都紛紛「猜度」樓主想籍母親的關係買綠置居的用意:「佢地想搏升之後套現姐,到時公屋轉私樓,溝女帶女上黎交配都冇咁尷尬」、「佢話佢老母綠表單人,即係而家無份住,想等老母百年歸老嘅時候攞埋間綠置居囉」。

有關綠置居的轉讓問題,政府收緊2022年起出售綠置居的轉讓限制,業主於首5年,只可以不高於原價出售單位予房委會提名的綠表買家;買入單位5年後,業主可在未補地價的情況下,在居屋第二市場按業主自行議定的價格,出售單位予房委會提名的綠表買家。買入單位15年後,業主才可補地價,於公開市場出售單位。

有網民覺得如果本身已居住公屋,其實未必值得要自置公屋,或者應該索性買二手居屋。

購入綠置居單位,要等15年後,才可補地價,於公開市場出售單位。

邊類申請者揀樓有優先?
不過冷靜的網民,都質疑樓主未必與母親同住,究竟是否可以利用到母親的優勢:「你同佢一齊住用綠長家庭咁抽先食到家有長者」、「你要符合:1.本人唔在間公屋名單上、2.老豆死左、3.老母係唯一屋主,先可以抽單人綠表居屋。同埋綠表單人抽都係得180-200尺,除非你想博套現,不過宜家又延長禁止期,博唔過」、「單人永遠都係單人」、「單人就單人,咩單人長者啫」。

根據房委會網頁內的「一般銷售資料 (綠置居)」所講:「房委會為參加「家有長者優先選樓計劃」的家庭申請者設有800個綠置居單位的配額」,而綠置居各類別申請者的揀樓次序如下:
1.受房委會已公布公屋清拆計劃影響的家庭申請人
2.參加「家有長者優先選樓計劃」的家庭申請人
3.其他家庭申請者
4.受房委會已公布公屋清拆計劃影響的一人申請者
5.一人申請者

根據房委會資料,會為參加「家有長者優先選樓計劃」的家庭申請者,提供800個名額。

而揀樓次序中,以「受房委會已公布公屋清拆計劃影響的家庭申請人」為最優先。

【INFO】
香港房屋委員會「出售綠表置居計劃單位2022」

text/Joyce
photo/HKET圖片庫

============
同場加映:
【蝸居睇樓團】290呎大埔夫婦上車盤變日式部屋 和風茶室延伸客廳、屏風窗台變打卡位

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓「U Lifestyle App限時搶」↓

↓逢星期三3PM入App搶!↓

↓逢星期三3PM入App搶!↓

↓正嘢!《社群》專區登錄App↓

↓必睇人氣生活+美食主題深度關注組↓

 ↓必睇人氣生活+美食主題深度關注組↓

評語

相關文章