繼日前網上瘋傳西環兩女爭一男的「街頭MMA」，昨日有屯門街坊影到新墟街市外都有兩名大媽上演MMA，事件疑為菜檔女店員與顧客發生爭執繼而動武，期間有途人一度上前勸交，但大媽仍激戰兩個回合才分開！期間一位女士主動勸交，勇敢的舉動獲網民大讚。
有街坊於Facebook群組「屯門友」報料，昨日大約下午4點半於新墟街市影到一名紮髻大媽和一名長髮大媽大打出手，片段所見，兩名大媽互摳毫不留手，長髮大媽稍佔上風，將紮髻大媽逼埋牆，但紮髻大媽狠狠扯實對方長髮，絲毫不敢鬆懈，期間一位赤膊穿人字拖的叔叔率先勸阻，隨後再有兩位男士加入勸阻，一度將兩名大媽分開，中場休息。
點擊圖片放大
長髮大媽行遠兩步之後停手不停口，不斷出口術，紮髻大媽隨即從後起飛腳突襲，兩人展開第二回合再打過！不過長髮大媽繼續佔上風，紮髻大媽一時失足躺在地上，上衣更被扯開露出內衣，兩人互相糾纏引來大批街坊圍觀。
點擊圖片放大
之後有一位路過的女士單人匹馬上前勸交，大叫二人：「唔好打啦！」她嘗試分開二人又呼籲其他人幫手，惟多數途人都沒反應，後來較早前的赤膊叔叔再次出手幫忙分開兩名大媽，兩名大媽亦終於肯停手，勸交的女士第一時間協助紮髻大媽扣好上衣，而現場亦留低一大束被扯下來的頭髮。
據知兩名大媽是因為貨物價錢問題引起爭執，繼而大打出手，期後警方到場，兩名大媽已經停手，並願意和解。不少網友大讚片中勸交的女士相當細心又勇敢：「勸交姐姐表現人性光輝嘅一面」、「其實啲途人好好心，唔驚秧及池魚仲幫佢扣番啲鈕」、「個like係比勸交個位女人」，亦有網友睇到打交打到扯甩頭髮後，笑言：「睇完諗緊應該要剪下頭髮先。」
來源：FB@屯門友
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【送飛🎟️】「領展香港高爾夫球公開賽」四天入場證100張！↓
↓11月21至24日免費睇比賽！超多娛樂活動😍按摩、紋身、高爾夫體驗區！↓
